Sem heillavinur barna greiðir þú fast mánaðarlegt framlag að upphæð 1.000 kr eða meira til verkefna Barnaheilla-Save the Children á Íslandi. Ef þú skráir þig á póstlista, færðu send rafræn fréttabréf um starf samtakanna hérlendis og erlendis.
Fjórar góðar ástæður:
1. Þú breytir lífi barna til batnaðar á hverjum degi
Sem heillavinur barna hjálpar þú Barnaheillum – Save the Children á Íslandi
- að styrkja börn og réttindi þeirra, hérlendis og erlendis
- að berjast gegn ofbeldi á börnum, hérlendis og erlendis
- að veita börnum víða um heim nauðsynlega heilbrigðisþjónustu
- að veita börnum í stríðshrjáðum löndum gæðamenntun
- að veita börnum neyðaraðstoð þar sem þörfin er stærst hverju sinni
2. Þú hjálpar barni á réttlátan hátt
Barnaheill – Save the Children á Íslandi nýta framlag heillavina til að bæta aðstæður barna þar sem þörfin er mest hverju sinni. Þannig nýtast framlögin á áhrifaríkan og réttlátan hátt til að ná til þeirra barna sem þurfa á aðstoð að halda.
3. 33 krónur á dag
Heillavinaframlag að upphæð 1.000 kr á mánuði jafngildir 33 krónum á dag. Föst framlög heillavina gera Barnaheillum – Save the Children á Íslandi kleift að vinna að langtímaverkefnum sem breyta lífi barna til batnaðar á langvarandi hátt.
4. Þú getur treyst Barnaheillum –Save the Children
Barnaheill eiga aðild að Save the Children sem eru með áratuga reynslu í starfi í þágu barna og réttinda þeirra. Þau voru stofnuð í Bretlandi 1919 og á Íslandi 1989. Samtökin hafa í gegnum 90 ára sögu haft mikil áhrif á samfélög víða um heim og á alþjóðlegum vettvangi. Samtökin njóta hvarvetna virðingar og trausts. Þau eru ein af stærstu alþjóðlegu félagasamtökum sem vinna að réttindum og velferð barna.