Barnaheill – Save the Children á Íslandi hafa gengið til samstarfs við Skapalón vefstofu um vefsíður samtakanna. Skapalón verður bakhjarl samtakanna næstu þrjú árin.

15. febrúar til 15. mars nk. rennur hluti af ágóða fjölda veitingastaða til verkefna Barnaheilla – Save the Children á Ísland, sem lúta að verndun barna gegn ofbeldi.

Össur Skarphéðinsson utanríkisráðherra lýsti í dag yfir stuðningi íslenska ríkisins við megin markmið sáttmála félagasamtaka um heim allan um það hvernig beri að binda enda á hungur í heiminum (e. Charter to end extreme Hunger).

Nær helmingur fjölskyldna á Indlandi, í Nigeríu, Pakistan, Perú og Bangladesh verður að skera niður við sig í mat og börn eru látin vinna til að hjálpa fjölskyldum sínum að afla matar. Þetta eru niðurstöður nýrrar rannsóknar Barnaheilla – Save the Children í kjölfar 12 mánaða tímabils, þar sem matvælaverð hækkaði upp úr öllu valdi.

Miðvikudaginn 15. febrúar stendur Náum áttum, opinn samstarfshópur um fræðslu og forvarnarmál, fyrir morgunverðarfundi þar sem fjallað verður um ábendingar barnaréttarnefndar Sameinuðu þjóðanna. 

Barnaheill – Save the Children á Íslandi hafa fengið 3,3 milljóna króna styrk frá utanríkisráðuneytinu fyrir menntunar- og uppbyggingastarf sitt í Pader- og Agogo-héruðum í Norður-Úganda. Styrkurinn verður nýttur til að bæta næringu þeirra barna sem sækja skóla samtakanna á þessu svæði.

Alþjóðlegi netöryggisdagurinn verður haldinn hátíðlegur í níunda sinn þann 7. febrúar næstkomandi. Þemað í ár er „Tengjum kynslóðir” og munu yfir 60 þjóðir um allan heim standa fyrir skipulagðri dagskrá þennan dag þar sem til umfjöllunar verða ýmis verkefni þar sem tæknin tengir kynslóðir saman. Áhersla verður lögð á að kynslóðir miðli af þekkingu sinni og reynslu milli kynslóða, en þannig má stuðla að jákvæðri og öruggri notkun Netsins.

Mjúkdýraleiðangur IKEA, Barnaheilla – Save the Children og Barnahjálpar Sameinuðu þjóðanna - UNICEF fór af stað 1. nóvember sl. Fyrir hvert mjúkdýr og hverja barnamáltíð sem keypt var á tímabilinu 1. nóvember til 23. desember 2011 gaf IKEA-sjóðurinn sem nemur einni evru til áðurnefndra samtaka til að styðja við menntun bágstöddustu barnanna í heiminum. Í þetta skiptið söfnuðust ríflega 3,6 milljónir króna á Íslandi en þetta er í áttunda sinn sem mjúkdýraleiðangurinn er farinn. Viðskiptavinir IKEA á Íslandi gáfu að auki 500 mjúkdýr í söfnun fyrir börn á Barnaspítala Hringsins.

Barnaheill – Save the Children vara við því að ef ekki tekst að tryggja áframhaldandi fjármögnun neyðaraðstoðar í Austur-Afríku, gætu þau 250 þúsund börn sem í dag fá mánaðarlega matarskammta frá samtökunum að nýju orðið fórnarlömb vannæringar.

Tveimur árum eftir sögulegan jarðskjálfta á Haítí, er það mat Barnaheilla – Save the Children að alvarlegur fjárskortur ógni uppbyggingarstarfi á eynni og þar með framtíð barna þar.