Frétt

Út að borða fyrir börnin hefst í dag

15. febrúar 2017 - 11:28:00

Út að borða - mynd - plakatÚt að borða fyrir börnin, fjáröflunarátak Barnaheilla og veitingastaða hefst í dag. Alls styðja 42 staðir átakið á 111 stöðum í öllum landsfjórðungum með því að láta hluta af verði valinna rétta renna til verkefna sem snúa að vernd barna gegn ofbeldi. Aldrei hafa fleiri staðir tekið þátt í átakinu sem nú fer fram í sjöunda sinn og stendur yfir í einn mánuð.

„Við erum himinlifandi með þennan fjölda veitingastaða sem eru tilbúnir að styðja málstaðinn á þennan hátt,” segir Erna Reynisdóttir, framkvæmdastjóri Barnaheilla – Save the Children á Íslandi; „Samtökin okkar eru háð velvilja og stuðningi bæði almennings og fyrirtækja og þetta hjálpar okkur að vinna enn betur að þeim frábæru og mikilvægu verkefnum sem heyra undir þennan málaflokk hjá okkur.”

Ísland festi barnasáttmála Sameinuðu þjóðanna í lög árið 2013 og í honum er börnum tryggður réttur til verndar gegn ofbeldi. Það er hlutverk hinna fullorðnu að gæta þess að hvert og eitt barn njóti réttar síns.

Eitt stærsta verkefni Barnaheilla sem snýr að vernd barna gegn ofbeldi er Vinátta, forvarnarverkefni gegn einelti í leikskólum. Verkefnið er danskt að uppruna, byggt á nýjustu rannsóknum um einelti og hefur reynst sérstaklega vel. Nú er unnið að því að þýða og staðfæra efni fyrir fyrstu bekki grunnskóla.

„Þú getur slegið tvær flugur í einu höggi með því að fara út að borða með börnin. Bæði veitir þú börnunum gleði og átt með þeim samverustundir og styður í leiðinni mannréttindi barna og vernd þeirra gegn ofbeldi,” segir Erna.

Barnaheill gefa meðal annars út fræðsluefni um ofbeldi, vinna að vitundarvakningu, reka ábendingarhnapp um óviðeigandi eða ólöglegt efni á netinu í samvinnu við ríkislögreglustjóra, standa að gagnvirkum fræðsluvef um barnasáttmála Sameinuðu þjóðanna og reka fræðslu- og upplýsingavefinn verndumborn.is þar sem finna má upplýsingar um einnkenni og afleiðingar ofbeldis gegn börnum og aðgerðir vakni grunur um slíkt. Þá veita samtökin ráðgjöf og vinna að fjölda lagaumsagna þar sem þrýst er á stjórnvöld að tryggja með lögum að börnum sé veitt vernd gegn hvers kyns ofbeldi.

Nánar má sjá upplýsingar um átakið hér, en þeir staðir sem styðja átakið eru:

900 GRILLHÚS - 50% AF BARNAMATSEÐLI

Vestmannabraut 23, Vestmannaeyjum

AKUREYRI BACKPACKERS – 25% AF KLASSÍSKUM HAMBORGARA

Hafnarstræti 98, Akureyri

BRYGGJAN – 25% AF BARNAMATSEÐLI

Strandgötu 49, Akureyri

CAFÉ BLEU – 50% AF BARNAMATSEÐLI

Kringlunni, Reykjavík

COOCOO'S NEST – 50% AF ÖLLUM RÉTTUM FYRIR BÖRN

Grandagarði 23, Reykjavík

CULIACAN – 25% AF BARNAMATSEÐLI

Suðurlandsbraut 4a, Reykjavík

DOMINOS – 35% AF SÓTTUM PIZZUM, GILDIR EKKI Á TILBOÐUM

22 staðir víða um landið

EINARSHÚSIÐ – 25% AF BARNAMATSEÐLI

Bolungarvík

EINSI KALDI – 50% AF RÉTTUM FYRIR BÖRN

Vestmannabraut 28, Vestmannaeyjum

ELDOFNINN GRÍMSBÆ – 25% AF MARGARITU PIZZU

Grímsbæ við Bústaðarveg, Reykjavík

FISKIBARINN – 50% AF FISKRÉTTUM

Bárustíg 1, Vestmannaeyjum

GRILL 66 – 25% AF PYLSU OG SVALA

11 staðir víða um landið

HAMBORGARAFABRIKKAN – 25% AF BARNAMATSEÐLI

Höfðatorgi, Kringlunnni og á Akureyri

HÓTEL SELFOSS – 25% AF 3JA RÉTTA MATSEÐLI: REYKT ÖND, LAMBAFILLET EÐA FISKUR DAGSINS OG SÚKKULAÐIKAKA

Eyrarvegi 2, Selfossi

HVER RESTAURANT – 50% AF BARNAMATSEÐLI

Breiðumörk 1c, Hveragerði

HVÍTI RIDDARINN – 30% AF BARNAMATSEÐLI

Háholti 13, Mosfellsbæ

ÍSLENSKA FLATBAKAN – 25% AF HVÍTLAUKSBRAUÐI, BÖKU MEÐ 2-3 ÁLEGGJUM (SÉRÁLEGG GILDA EKKI) OG EFTIRRÉTTABÖKU

Bæjarlind 2, Kópavogi

KFC – 25% AF BARNAMATSEÐLI

8 staðir í Reykjavík, Hafnarfirði, Kópavogi, Reykjanesbæ, Mosfellsbæ og Selfossi

KOPAR – 100% AF BARNAMATSEÐLI

Geirsgötu 3, Reykjavík

KRINGLUKRÁIN – 25% AF BARNAMATSEÐLI

Kringlunni 4-12, Reykjavík

LANDNÁMSSETRIÐ – 50% AF BARNAMATSEÐLI

Brákarbraut 13-15, Borgarnesi

LAUGAÁS – 25% AF BARNAMATSEÐLI

Laugarásvegi 1, Reykjavík

LAUNDROMAT – 25% AF BARNAMATSEÐLI

Austurstræti 9, Reykjavík

MAR – 15% AF BARNAMATSEÐLI OG AF TVEIMUR RÉTTUM FYRIR FULLORÐNA

Geirsgötu 9, Reykjavík

NAUTHÓLL – 50% AF BARNAMATSEÐLI

Nauthólsvegi 106, Reykjavík

NINGS – 50% AF BARNAMATSEÐLI

3 staðir í Hlíðarsmára í Kópavogi, Suðurlandsbraut og Stórhöfða í Reykjavík

PIZZA HUT – 25% AF BARNAMATSEÐLI

Smáralind, Kópavogi

ROADHOUSE – 25% AF BARNAMATSEÐLI

Snorrabraut 56, Reykjavík

ROSSOPOMODORO – 25% AF BARNAMATSEÐLI

Laugavegi 40, Reykjavík

RUB 23 – 50% AF BARNAMATSEÐLI

Kaupvangsstræti 6, Akureyri

RUBY TUESDAY – 25% AF BARNAMATSEÐLI

2 staðir á Höfðabakka 9 og Skipholti 19 í Reykjavík

SAFFRAN – 25% AF BARNAMATSEÐLI

4 staðir í Glæsibæ og á Bildshöfða í Reykjavík, á Dalvegi í Kópavogi og Bæjarhrauni í Hafnarfirði

SALT CAFÉ & BISTRO – 25% AF BARNAMATSEÐLI OG AF EINNI PIZZU Á MATSEÐLI

Miðvangi 2-4, Egilsstöðum 

SIGLÓ HÓTEL – 25% AF BARNAMATSEÐLI OG AF TVEIMUR RÉTTUM Á BARMATSEÐLI

Snorragata 3, Siglufirði

SJÁVARGRILLIÐ – 100% AF BARNAMATSEÐLI 

Skólavörðustíg 14, Reykjavík

SKRÚÐUR – 25% AF BARNAMATSEÐLI

Hótel Sögu, Reykjavík

SMURSTÖÐIN – 25% AFSLÁTTUR FYRIR BÖRN TIL 12 ÁRA ALDURS

Hörpunni, Reykjavík

SÓLON – 50% AFSLÁTTUR AF BARNAMATSEÐLI

Bankastræti 7a, Reykjavík

SUBWAY – 25% AF BARNAMATSEÐLI

23 staðir víða um landið

TACO BELL – 25% AF BARNAMATSEÐLI

2 staðir, Hjallahrauni 15 í Hafnarfirði og Þjóðhildarstíg 1 í Grafarholti

VON MATHÚS – 50% AF BARNAMATSEÐLI

Strandgötu 75, Hafnarfirði

ÞRASTALUNDUR – 100% AF BARNABRUNCH OG 25% AF BRUNCH

Þrastalundi við Þrastaskóg