Fréttir 2017

Jólakort Barnaheilla 2017

17. nóvember 2017 - 12:03

Jólakort Barnaheilla er komið út. Sala jólakorta er afar mikilvæg fjáröflunarleið fyrir samtökin sem reiða sig alfarið á frjáls framlög einstaklinga, fyrirtækja og stofnana. Andvirði af sölu kortanna rennur til starfs Barnaheilla – Save the Children á Íslandi. Með því að kaupa jólakort samtakanna styður þú við bakið á öflugu starfi fyrir bættum mannréttindum barna.

Ungmenni utan skóla - Hagir og úrræði

13. nóvember 2017 - 11:07

Morgunverðarfundur Náum áttum hópsins fjallar að þessu sinni um ungmenni utan skóla – hagi og úrræði. Fundurinn fer fram á Grand Hótel Reykjavík, miðvikudagsmorguninn 15. nóvember 2017 kl. 08:15–10:00

Vináttu-verkefni Barnaheilla hlýtur hvatningarverðlaun dags gegn einelti 2017

8. nóvember 2017 - 16:27

Vináttuverkefni Barnaheilla hlaut hvatningarverðlaun dags gegn eineltis 2017. Kristján Þór Júlíusson, mennta- og menningarmálaráðherra afhenti verðlaunin við athöfn sem haldin var í Fjölbrautaskólanum í Breiðholti í dag og var það Kolbrún Baldursdóttir, formaður Barnaheilla sem tók við þeim.

Mesti flóttamannavandi í heimi síðan 1994

31. október 2017 - 14:15

Helle Thorning-Schmidt framkvæmdastjóri Barnaheilla – Save the Children International hélt fyrir stuttu til Bangladess til að kynna sér ástandið í flóttamannabúðum Rohingya sem flúið hafa ofsóknir og grimmdarverk gegn þeim í Mjanmar. 

Barnaheill opna Mannréttindasmiðju í tilefni af Degi mannréttinda barna

17. október 2017 - 11:06

Í tilefni af Degi mannréttinda barna, sem haldinn verður þann 20. nóvember, opna Barnaheill – Save the Children á Íslandi Mannréttindasmiðju fyrir öll börn allt frá leikskóla og upp í framhaldsskóla hvaðanæva af landinu.

Viðkvæmir hópar – líðan og neysla

13. október 2017 - 10:10

Morgunverðarfundur Náum áttum hópsins fjallar að þessu sinni um viðkvæma hópa – líðan og neyslu. Fundurinn fer fram á Grand Hótel Reykjavík, miðvikudagsmorguninn 18. október kl. 08:15–10:00

Nýir starfsmenn

2. október 2017 - 14:10

Á haustdögum tóku tveir nýir starfsmenn til starfa hjá Barnaheillum – Save the Children á Íslandi. Þetta eru þær Aldís Yngvadóttir sem tekur við starfi verkefnastjóra kynningarmála og fjáröflunar af Sigríði Guðlaugsdóttur og Linda Hrönn Þórisdóttir sérfræðingur í tengslum við Vináttu-verkefni Barnaheilla.

Vinátta er komin í grunnskóla

27. september 2017 - 14:58

Nú hafa Barnaheill einnig gefið út Vináttuverkefni fyrir grunnskóla, en frá árinu  2014 hefur leikskólum staðið efnið til boða og nú eru 40% leikskóla á Íslandi með Vináttu. Vinátta er forvarnarverkefni gegn einelti fyrir börn frá 1–8 ára og byggir á nýjustu rannsóknum á einelti. Efnið hefur gefið afar góða raun og mikil ánægja er með það.

Gætum jafnræðis og látum ÖLL börn njóta gjaldfrjálsrar grunnmenntunar

31. ágúst 2017 - 11:19

Barnaheill – Save the Children á Íslandi hafa frá árinu 2015 hvatt yfirvöld til að afnema kostnaðarþátttöku fjölskyldna vegna skólagagna grunnskólabarna eða svokallaða innkaupalista. Hvorki samræmist sú gjaldtaka 29. grein Barnasáttmálans né er hún í anda þeirrar stefnu að skólinn skuli vera hornsteinn jöfnuðar í þjóðfélaginu.

Sveitarfélögum sem bjóða ókeypis námsgögn fjölgar

2. ágúst 2017 - 12:01

Barnaheill – Save the Children á Íslandi fagna þeim fjölda sveitarfélaga sem hafa ákveðið að námsgögn verði grunnskólabörnum að kostnaðarlausu. Samtökin hafa frá árinu 2015 staðið fyrir vitundarvakningu og áskorunum til yfirvalda um að virða réttindi barna til gjaldfrjálsrar grunnskólamenntunar eins og Barnasáttmálinn kveður á um. Í gjaldtöku felst einnig mismunun sem börn eiga rétt á vernd gegn.

Við förum í sumarfrí

5. júlí 2017 - 14:20

Skrifstofa Barnaheilla - Save the Children á Íslandi verður lokuð frá mánudeginum 10. júlí til þriðjudagsins 8. ágúst. Ef erindið er brýnt má senda póst á barnaheill@barnaheill.is.

Njótið sumarsins :)

Barnaheill styðja sýrlensk börn

2. júlí 2017 - 15:34

Stríðsástandið í Sýrlandi hefur nú varað í rúm sex ár. Ástandið hefur síst batnað á undanförnum mánuðum og átökin halda áfram. Hörmungarnar eru ólýsanlegar og réttindi barna eru brotin á degi hverjum.

Nýir talsmenn barna á Alþingi

2. júlí 2017 - 14:45

Þingmenn úr öllum flokkum gerðust talsmenn barna á Alþingi 7. mars síðastliðinn. Þeir skuldbunda sig þannig til að hafa barnasáttmála Sameinuðu þjóðanna að leiðarljósi við störf sín. Fulltrúar ungmennaráða Barnaheilla og UNICEF auk ráðgjafahóps umboðsmanns barna höfðu áður staðið að námskeiði fyrir verðandi talsmenn þar sem þeir kynntu þeim ákvæði barnasáttmála Sameinuðu þjóðanna og hvernig hann má nota sem hagnýtt verkfæri við ákvarðanatöku og stefnumótun. Ungmennin lögðu áherslu á að réttindi barna yrðu höfð að leiðarljósi við allar ákvarðanir talsmannanna á þingi.

Börn í leit að vernd á Íslandi

2. júlí 2017 - 14:25

Á Íslandi sækir árlega fjöldi barna um alþjóðlega vernd sem er af ýmsum ástæðum á flótta frá heimalandi sínu. Á ári hverju er fjölda þessara barna vísað frá af ýmsum ástæðum. Þau eru ekki talin uppfylla skilyrði og teljast ekki eiga lagalegan rétt á vernd á Íslandi. Ýmist eru börnin ein á ferð, það er fylgdarlaus eða í fylgd fjölskyldu.

Börn án bernsku

2. júlí 2017 - 13:21

Að minnsta kosti 700 milljónir barna í heiminum fá ekki að njóta bernskunnar af ýmsum ástæðum og eru í raun svift því að fá að vera börn og um leið þeim réttindum sem því fylgja. Það má í raun segja að bernskan sé hrifsuð af þeim.

Heimilisfriður fyrir börnin

2. júlí 2017 - 12:36

Það er best fyrir börn að búa við frið. Það er best fyrir börn að búa hjá for­ eldrum sínum. Það er best fyrir börn að fá kærleiksríkt uppeldi.

Afleiðingar foreldraútilokunar fyrir börn

2. júlí 2017 - 11:54

Á dögunum var haldin ráðstefna um foreldraútilokun, málefni sem Barnaheill styðja að fái faglega umræðu.Yfirskrift ráðstefnunnar var Leyfi til að elska og á henni talaði fjöldi sérfræðinga um málefnið, bæði innlendir og erlendir.

Nýtt merki ungmennaráðs Barnaheilla

2. júlí 2017 - 11:03

Ungmennaráðið hélt merkjasamkeppni fyrr á árinu meðal 1. árs nema við Listaháskóla Íslands í grafískri hönnun.Ttilgangurinn var að auka sjálfstæði ráðsins og skapa sterkari ímynd.

Nordic co-op Camp í Stokkhólmi

2. júlí 2017 - 10:57

Í janúar 2017 fórum við fjögur frá Ungmennaráði Barnaheilla til Stokkhólms að sækja fund á vegum norræns samstarfs ungmennaráða Save The Children á Norðurlöndunum.

Vinir ungmennaráðs Barnaheilla

1. júlí 2017 - 16:52

Í vor fórum við í ungmennaráðinu af stað með verkefni sem við köllum Vinaverkefnið. Okkur langaði að gera eitthvað með ungum nýbúum á Íslandi, en ekki bara að gera eitthvað fyrir þá.

Brotið á réttindum flóttabarna

1. júlí 2017 - 16:03

Háskóli Íslands býður upp á frábæran möguleika fyrir ungt fólk að taka þátt og læra vísindaleg vinnubrögð með keppninni Ungir Vísindamenn.

Viðburðarríkt ár að baki

1. júlí 2017 - 15:30

Ekki er hægt að segja annað en undanfarið ár hafi verið það viðburðaríkasta og áhrifamesta í sögu ungmennaráðs Barnaheilla frá upphafi. Með fjölgun meðlima hefur verið unnið framúrskarandi starf í grasrótinni sem og með systursamtökum okkar á Norðurlöndum.

Gott er að eiga vin - tónlistin í Vináttu

1. júlí 2017 - 14:33

Barnaheill – Save the Children á Íslandi bjóða nú upp á sérstakt tónlistarnámskeið í tengslum við Vináttu sem miðar að því að veita leikskólakennurum og leiðbeinendum innblástur og góðar hugmyndir um notkun tónlistarefnisins í starfinu með hugmyndafræði og gildi Vináttu að leiðarljósi. Kennari á námskeiðinu er Birte Harksen, leik- og grunnskólakennari, sem hefur um árabil unnið með tónlist og dans á heilsuleikskólanum Urðarhóli.

Galdurinn við Vináttu

1. júlí 2017 - 14:04

„Það er einhver galdur við Vináttu. Við fundum strax á tilraunastiginu að þetta var ekki bara enn eitt verkefnið ofan á allt annað og árangurinn er svo augljós.Vinátta er bæði ofboðslega skemmtileg og fellur algjörlega inn í starfið á leikskólanum sem gerir það að verkum að við erum gífurlega ánægð með verkefnið,“ segir Kristín Gísladóttir, leikskólastjóri á Uglukletti í Borgarnesi.

Upphaf Vináttu

1. júlí 2017 - 13:52

Það var árið 2005 sem Red Barnet – Save the Children í Danmörku og María krónprinsessa tóku sig saman um að þróa forvarnarverkefni gegn einelti sem hæfist á leikskólaaldri. Rannsóknir höfðu þá sýnt að tíðni eineltis væri ekki á undanhaldi, þrátt fyrir fjölda eineltisverkefna sem höfðu verið í gangi.

Ævintýrið um Vináttu

1. júlí 2017 - 13:14

Fátt er börnum og foreldrum þeirra mikilvægara en að börnunum líði vel í skólanum, eigi góða félaga og vini, hafi sjálfstraust og góða sjálfsmynd.

Verkenin í Vináttutöskunni

1. júlí 2017 - 12:53

Vináttutaskan inniheldur efni sem byggir á gildum og hugmyndafræði Vináttu.

Umfjöllun um börn í fjölmiðlum

1. júlí 2017 - 12:35

Barnaheill ­ Save the Children á Íslandi hafa gefið út almenn viðmið um op­inbera umfjöllun um börn í samvinnu við Fjölmiðlanefnd, SAFT, UNICEF á Íslandi og umboðsmann barna.

Ein jörð fyrir öll börn um ókomna tíð

1. júlí 2017 - 11:58

Barnaheill samþykktu nýverið fyrstu umhverfisstefnu samtakanna og vilja þannig vinna enn frekar að betri heimi fyrir börn í nútíð og framtíð. Mann­réttindi og umhverfismál eru órjúfan­leg og náskyld málefni.

Vildi óska að ég gæti orðið 15 ára aftur

1. júlí 2017 - 11:16

Á síðustu 10 árum hefur Þorgrímur Þráinsson haldið fyrirlestra í nánast öllum grunnskólum landsins og þannig komið skilaboðum um já­kvætt hugarfar til um 40 þúsund ung­menna. Hann hefur auk þess skrifað fjöldan allan af barna­- og unglinga­ bókum og er um þessar mundir með nýja krakkabók í smíðum, framhald af bókinni Henri og hetjurnar sem kom út í fyrra. 

Lítið þokast í að uppræta barnafátækt í Evrópu

1. júlí 2017 - 10:45

Frá árinu 2013 hafa Barnaheill – Save the Children á Íslandi tekið þátt í vinnu Evrópuhóps Save the Children um barnafátækt í álfunni. Árið 2014 kom út skýrsla á vegum hópsins; Child poverty and social exclusion ­ a matt­er of childrens rights, þar sem fram kom að um 28% barna í Evrópu eiga á hættu að búa við fátækt eða félagslega einangrun. Síðla árs 2016 kom svo út önnur skýrsla, Educational and Child poverty in Europe -­ Leaving no child behind, eða tengsl barnafátæktar og skorts á tækifærum og menntun.

Krakkarnir í hverfinu...

1. júlí 2017 - 10:35

„Skólar eru hornsteinn jöfnuðar í sam­félaginu“ segir í riti útgefnu af mennta ­ og menningarmálaráðuneytinu. Við hjá Barnaheillum tökum undir þessa fullyrðingu og teljum afar mikilvægt að skólakerfið standi vörð um réttindi barna og vinni gegn mismunun.

Framtíðarsýn, markmið og stefna Barnaheilla

1. júlí 2017 - 10:07

Erna Reynisdóttir, framkvæmdastjóri Barnaheilla skrifar: Á síðastliðnu ári unnu stjórn, starfsfólk, ungmennaráð Barnaheilla og hagsmunaaðilar að mótun stefnu samtakanna fyrir árin 2016-2018. Framtíðarsýn samtakanna til ársins 2030 var formuð í takt við stefnumótun alþjóðasamtakanna okkar.

Ávarp formanns

1. júlí 2017 - 09:53

Kolbrún Baldursdóttir, formaður stjórnar Barnaheilla, skrifar: Blað Barnaheilla – Save the Children á Íslandi er nú komið út fimmta árið í röð. Í blaðinu eru helstu verkefnum Barnaheilla gerð skil og sagt frá störfum samtakanna.
Markmið Barnaheilla er ávallt að berjast gegn hvers kyns ofbeldi og misrétti gagnvart börnum. Rík áhersla er lögð á að kynna Barnasáttmálann fyrir börnum og foreldrum þeirra, sem og að vekja stjórnvöld til vitundar um ákvæði hans. Það er gert í formi lagaum- sagna þar sem tækifæri gefst til að benda stjórnvöldum á að gæta hagsmuna barna.

Forseti Íslands er verndari Vináttu

30. júní 2017 - 14:04

Forseti Íslands, Guðni Th. Jóhannesson, hefur þegið boð Barnaheilla um að gerast verndari Vináttu, forvarnar- verkefnis Barnaheilla gegn einelti í leik- og grunnskólum. Guðni á tvö börn sem eru þátttakendur í verkefninu á leikskólanum Holtakoti á Álftanesi sem hefur innleitt Vináttu.

Blað Barnaheilla er komið út

29. júní 2017 - 17:51

Ársrit Barnaheilla 2017 er komið út. Vináttuverkefni samtakanna er aðalþema blaðsins og viðtal við nýjan verndara verkefnisins, Guðna Th. Jóhannesson, forseta Íslands, og konu hans, Elizu Reed. 

Lögregluyfirvöld í Evrópu gefa út viðvörun vegna ofbeldisglæpa gagnvart börnum á netinu

23. júní 2017 - 08:05

Stafrænar þvingunaraðgerðir, blekkingar, hótanir og kúganir gagnvart börnum og ungmennum hafa aukist mjög á síðustu árum. Europol hefur gefið út viðvörun og hafið herferð vegna þessa og birt leiðbeiningar um hvernig beri að bregðast við, en mál af þessu tagi eru sjaldan tilkynnt til lögreglu.

Áskorun til Ríkisskattstjóra um bætt vinnubrögð

22. júní 2017 - 14:32

Barnaheill – Save the Children á Íslandi hafa ásamt fleiri félögum sem vinna að mannréttindum barna sent áskorun á Ríkisskattstjóra um bætt vinnubrögð. Tildrög áskorunarinnar er neitun Ríkisskattstjóra á skráningu stjórnarmeðlims hjá Landssambandi Ungmennafélaga fyrir aldurs sakir. 

Almenn viðmið um opinbera umfjöllun um börn

13. júní 2017 - 13:48

Barnaheill - Save the Children á Íslandi, Fjölmiðlanefnd, Heimili og skóli, SAFT, Umboðsmaður barna og Unicef hafa tekið höndum saman um gerð almennra viðmiða vegna opinberrar umfjöllunar um börn. 

Eitt af hverjum fjórum börnum í heiminum rænt bernskunni

1. júní 2017 - 09:05

Að minnsta kosti 700 milljónir barna í heiminum fá ekki að njóta bernskunnar af ýmsum ástæðum og eru í raun svift því að fá að vera börn og um leið þeim réttindum sem því fylgja. Ísland er í áttunda sæti lista um hvar bernsku barna er síst ógnað í heiminum. Í efstu sætunum eru Noregur, Slóvenía og Finnland. Níger er hins vegar í botnsæti listans á eftir Angólu og Malí.

Börn án bernsku

1. júní 2017 - 08:55

Margrét Júlía Rafnsdóttir skrifar um nýja skýrslu Barnaheilla - Save the Children, Stolen Childhoods eða Börn án bernsku: Að minnsta kosti 700 milljónir barna í heiminum fá ekki að njóta bernskunnar af ýmsum ástæðum og eru í raun svift því að fá að vera börn og um leið þeim réttindum sem því fylgja. Því má segja að bernskan sé hrifsuð af þeim.

Þakkir á Degi barnsins

28. maí 2017 - 11:25

Í tilefni af Degi barnsins sem haldinn er í dag, síðasta sunnudag í maímánuði, senda Barnaheill - Save the Children á Íslandi sérstakar þakkir til grunnskóla og sveitarfélaga sem ekki krefja foreldra um greiðslu fyrir hluta námsgagna:

 

Síðasti umsóknardagur fyrir hjól úr hjólasöfnun Barnaheilla

8. maí 2017 - 14:32

Hjólasöfnun Barnaheilla er nú í fullum gangi. Söfnun á hjólum á endurvinnslustöðvum Sorpu hefur verið hætt en viðgerðir standa yfir. Síðasti umsóknardagur fyrir hjól er 10. maí, en hægt er að sækja um hjól hjá félagsþjónustunni, Mæðrastyrksnefnd Reykjavíkur og í grunnskólum. Hjólin eru ætluð börnum sem eiga ekki kost á að eignast reiðhjól vegna efnahagsstöðu foreldra þeirra.

Hvernig líður börnum í íþróttum?

29. apríl 2017 - 08:57

Síðasti morgunverðarfundur vetrarins hjá Náum áttum hópnum ber yfirskriftina Hvernig líður börnum í íþróttum?  

Fátækt barna er vanræksla stjórnvalda

10. apríl 2017 - 11:21

Um áratugaskeið hefur alþjóðsamfélagið reglulega sett sér háleit markmið um betri heim. Markmið um sjálfbæra þróun, þar sem forgangsverkefni er að uppræta fátækt og auka jöfnuð. Evrópa2020 áætlun Evrópusambandsins gerir ráð fyrir að að minnsta kosti 20 milljónum barna í Evrópu verði bjargað frá fátækt og félagslegri einangrun fyrir árið 2020. Það mun ekki nást. Heimsmarkmið Sameinuðu þjóðanna, SDG2030, gera ráð fyrir að sárafátækt verði upprætt og að 50% barna verði bjargað úr fátækt og félagslegri einangrun fyrir árið 2030 og ójöfnuður minnkaður.

Ný stjórn Barnaheilla

5. apríl 2017 - 12:08

Aðalfundur Barnaheilla – Save the Children á Íslandi fór fram í gær, þriðjudaginn 4. apríl 2017. Þrír nýir stjórnarmenn tóku sæti í stjórn samtakanna, Páll Valur Björnsson sem aðalmaður og þau Brynja Dan Gunnarsdóttir og Guðmundur Steingrímsson sem varamenn. Úr stjórn gengu María Sólbergsdóttir, Már Másson og Sigríður Olgeirsdóttir

 

 

Rödd unga fólksins - er hlustað á skoðanir ungmenna?

30. mars 2017 - 15:45

Morgunverðarfundur Náum áttum hópsins fjallar að þessu sinni um þátttöku barna og ungmenna í samfélagsumræðu. Fundurinn fer fram á Grand Hótel Reykjavík, miðvikudagsmorguninn 5. apríl kl. 08:15-10:00.

Á sjötta þúsund undirskrifta söfnuðust

22. mars 2017 - 14:35

Barnaheill – Save the Children á Íslandi og nemendur úr Háteigsskóla afhentu í dag Kristjáni Þór Júlíussyni, mennta- og menningarmálaráðherra áskorun um að breyta grunnskólalögum og afnema gjaldtöku fyrir námsgögn. Á sjötta þúsund undirskriftir söfnuðust í átakinu en einnig er skorað á þingheim og sveitarfélög að vinna að breytingum eins fljótt og auðið er svo innkaupalistar verði ekki sendir út fyrir næsta skólaár.

Aðalfundur Barnaheilla 2017

19. mars 2017 - 16:29

Barnaheill - Save the Children á Íslandi halda aðalfund þriðjudaginn  4. apríl 2017 kl. 17:00 á skrifstofu samtakanna að Háaleitisbraut 13.

Skrifum undir áskorun til stjórnvalda: Burt með innkaupalista grunnskólanna!

18. mars 2017 - 09:40

Barnaheill – Save the Children á Íslandi hafa frá árinu 2015 vakið athygli á kostnaði foreldra vegna innkaupa á námsgögnum grunnskólabarna. Slíkur kostnaður er ekki einungis töluverður baggi fyrir barnafjölskyldur heldur er sú hefð, að foreldrar beri þennan kostnað, í ósamræmi við barnasáttmála Sameinuðu þjóðanna. Kostnaðarþátttaka foreldra er því í raun ólögleg samkvæmt Barnasáttmálanum og þess vegna óásættanlegt að innkaupalistar skuli enn vera við lýði.

Hjólasöfnun Barnaheilla er hafin

16. mars 2017 - 16:53

Hjólasöfnun Barnaheilla - Save the Children á Íslandi var formlega hleypt af stokkunum í dag. Villi Vísindamaður afhenti fyrsta hjólið í söfnunina í Sorpu Sævarhöfða með pompi og pragt og hvatti þannig aðra til að láta gott af sér leiða og koma ónotuðum hjólum í notkun á ný. Söfnunin stendur yfir til 15. maí og úthlutanir fara fram að loknum viðgerðum hjólanna.

Krakkarnir í hverfinu eru allskonar en eiga öll rétt á gjaldfrjálsri grunnmenntun

15. mars 2017 - 09:49

Skólar eru hornsteinn jöfnuðar í samfélaginu“ segir í riti útgefnu af mennta- og menningarmálaráðuneytinu. Við hjá Barnaheillum tökum undir þessa fullyrðingu og teljum afar mikilvægt að skólakerfið standi vörð um réttindi barna og vinni gegn mismunun.

Börn upplifa mismunun vegna námsgagna - undirskriftasöfnun

13. mars 2017 - 10:13

„Sums staðar er ástandið það slæmt að skólinn þarf að taka sum börn undir sinn verndarvæng og útvega þeim námsgögn. Þá finna börnin til vanmáttar gagnvart umhverfi sínu, önnur börn taka eftir þessu og þannig upplifa börn mismunun og líða fyrir slæma efnahagsstöðu foreldranna,“ segir Ragnheiður Davíðsdóttir, foreldri og grunnskólakennari í Reykjavík.

Aukin hætta á sálrænu tjóni sýrlenskra flóttabarna

9. mars 2017 - 11:55

Ný umfangsmikil skýrsla Barnaheilla – Save the Children sýnir fram á gífurleg álagseinkenni og andlega vanlíðan barna innan landamæra Sýrlands. Sérfræðingar vara við að sálrænt tjón barnanna geti verið óafturkræft. Nú eru sex ár frá upphafi átakanna í Sýrlandi.

Google í samstarfi við Barnaheill og SAFT gegn kynferðisofbeldi

8. mars 2017 - 09:22

Barnaheill – Save the Children á Íslandi, sem reka ábendingalínuna, hafa ásamt SAFT komið á samstarfi við netrisann Google um forvarnir gegn kynferðisofbeldi á börnum.

Nýir talsmenn barna á Alþingi

7. mars 2017 - 15:23

Þingmenn úr öllum flokkum gerðust í dag talsmenn barna á Alþingi og munu hafa barnasáttmála Sameinuðu þjóðanna að leiðarljósi við störf sín. Fulltrúar ungmennaráða ávörpuðu þingmenn við þetta tækifæri.

Einmanaleiki og sjálfsskaðandi hegðun ungs fólks

2. mars 2017 - 11:36

Á næsta morgunverðarfundi Náum áttum hópsins verður meðal annars fjallað um nýjustu rannsóknir sem sýna aukna einmanakennd meðal íslenskra ungmenna og hvernig það tengist sjálfsskaðandi hegðun fólks. Fundurinn verður haldinn á Grand Hótel Reykjavík miðvikudaginn 8. mars.

Rúmlega 11 þúsund vilja sálfræðiþjónustu inn í sjúkratryggingakerfið

21. febrúar 2017 - 12:36

Í morgun var Óttarri Proppé, heilbrigðisráðherra, afhent áskorun 11.355 einstaklinga þar sem skorað er á stjórnvöld að beita sér fyrir því að sálfræðiþjónusta verði veitt á sömu forsendum og önnur heilbrigðisþjónusta - og felld nú þegar undir greiðsluþátttökukerfi Sjúkratrygginga Íslands.

Út að borða fyrir börnin hefst í dag

15. febrúar 2017 - 11:28

Aldrei hafa fleiri staðir tekið þátt í Út að borða fyrir börnin sem stendur yfir frá 15. febrúar til 15. mars. Alls taka 42 staðir þátt í átakinu á 111 staðsetningum, en þetta er í sjöunda sinn sem fjáröflunarátakið fer fram.

Umfang kannabisneyslu

6. febrúar 2017 - 11:23

Næsti morgunverðarfundur Náum áttum hópsins fjallar um kannabisneyslu. Fundurinn verður haldinn miðvikudaginn 8. febrúar 2017 á Grand Hótel Reykjavík kl. 08:15-!0:00.

Hagkaup styður Jólapeysuátakið um 1,2 milljónir

11. janúar 2017 - 15:25

F&F og Hakaup afhentu á dögunum styrk í Sýrlandssöfnun Barnaheilla í tengslum við fjáröflunarátakið Jólapeysuna. Verslanirnar gáfu 10% af söluandvirði jólapeysa til átaksins. Alls voru seldar hátt í 4.000 peysur í verslunum F&F og Hagkaups og söfnuðust þar með 1.225.000 kr. til verkefnisins.