Vinatta Logo  Tilkynna Logo

Vestur-Afríka

Nær 18 milljónir manna standa frammi fyrir alvarlegum matarskorti í Vestur-Afríku. Barnaheill - Save the Children hafa þegar aukið umfang neyðaraðstoðar sinnar á Sahel-svæðinu en samtökin vantar nær 40 milljónir Bandaríkjadala til að geta innt af hendi starf sitt og hjálpað 1,5 milljón manna, þar af nær einni milljón barna, sem þurfa mest á hjálp að halda.

Fjármagnið, sem samtökin safna, mun renna til lífsnauðsynlegra þátta á borð við næringu, heilsuvernd og tryggum aðgangi að matvælum fyrir berskjölduðustu fjölskyldurnar í Burkina Faso, Níger, Malí og Máritaníu.

Ástandið á Sahel-svæðinu er nú þegar orðið skelfilegt. Í löndum eins og Níger, berjast fjölskyldur við að halda lífi á nánast engu og börnin fara ekki varhluta af því. Ef ekki kemur til aukinn stuðningur, mun ástandið fara versnandi. Það er brýnt að bregðast við núna því allur dráttur á aðstoð getur kostað fleiri börn lífið. Það er hægt að bjarga þessum börnum.

Barnaheill – Save the Children hafa miklar áhyggjur af skorti á matvælum á svæðinu sem gerir það að verkum að fátækustu börnin og fjölskyldur þeirra munu ekki lifa árið af án aðstoðar. Á liðnum mánuðum, hafa fjölskyldur á þeim stöðum sem verst hafa orðið úti, orðið að lifa á innan við helmingi þess matarskammts sem þær í raun þurfa. Staðreyndin er sú að ástandið á bara eftir að versna nú þegar þurrkatímabilið er að ganga í garð.

Þeir sem vilja styðja hjálparstarf Barnaheilla – Save the Children í Vestur –Afríku er bent á söfnunarsíma samtakanna 904 1900 (1.900 kr.) og 904 2900 (2.900 kr.). Einnig er hægt að leggja frjáls framlög inn á reikning samtakanna 0327-26-1989 kt. 521089-1059.