Vinatta Logo  Tilkynna Logo

Skráning

Um Vina´ttu       Hugmyndafræði       Rætur eineltis      Taskan og innihald Leikskolar       Skraning       Myndband      Rannsoknir


Leikskólar sem vilja taka þátt í Vináttu og fá námsefni til notkunar þurfa að sækja námskeið, að minnsta kosti tveir starfsmenn frá hverjum leikskóla. Námskeiðin eru frá kl 9-16 og kosta kr. 10.000 á hvern starfsmann og er fæði innifalið. Námskeiðin eru í húsnæði Barnaheilla að Háaleitisbraut 13, 4. hæð. Sjá nánar um tónlistarnámskeið Vináttu neðar á síðunni.

Hér er skráningarblað/pöntunarblað sem þarf að fylla út og senda í tölvupósti á barnaheill@barnaheill.is.

Kostnaður við námskeiðið er 10.000 kr. á mann.

Ein taska með öllu efni kostar 50.000 kr.

Litlir bangsar, 10 stk kosta 3.500 kr.

Skráning er hafin á næstu námskeið:

  • þriðjudaginn 16. janúar - skráning er hafin

Dagskrá námskeiðanna er eftirfarandi:

9:00    Þátttakendur kynna sig
9:15    Um Vináttu - Fri for mobberi, um einelti og þær rannsóknir sem verkefnið byggir á
10:20  Kaffihlé
10:35  Hvað er í töskunni? Efnið skoðað og unnið með það
12:15  Hádegishlé og matur
12:45  Hvað er í töskunni? Unnið með efnið, skipulagt
14:30  Kaffihlé
14:45  Kynning og næstu skref, þegar í leikskólann er komið
16:00 Námskeiðslok og afhending á efni

Tónlist

Birte

Gott er að eiga vin, tónlistardiskur og  -hefti er hluti af Vináttu. Höfundur tónlistar og texta er Anders Bøgelund.

Barnaheill – Save the Children á Íslandi bjóða nú upp á sérstakt námskeið sem miðar að því að veita leikskólakennurum og leiðbeinendum innblástur og góðar hugmyndir varðandi það hvernig nota má tónlistarefnið í starfinu í leikskólanum með hugmyndafræði og gildi Vináttu að leiðarljósi. Unnið verður á virkan hátt með efnið og fá þátttakendur að prófa allt efnið og kynnast því mjög vel.

Kennari á námskeiðinu er Birte Harksen. Hún er leik- og grunnskólakennari og hefur um árabil unnið með tónlist og dans á Heilsuleikskólanum Urðarhóli. Birte heldur ennig úti vefsíðunni bornogtonlist.net, sem er þekktur hugmyndabanki fyrir tónlistarstarf í leikskólum. 

Birte hefur sótt námskeið hjá Anders Bøgelund í Danmörku og notað efnið í leikskólum í Kópavogi. „Þetta efni er einstaklega vel unnið og skemmtilegt að nota með leikskólabörnum," segir Birte um Gott er að eiga vin tónlistarefnið. 

Tónlistarnámskeið fyrir starfsfólk Vináttu-leikskólanna

Námskeiðið verður haldið föstudaginn 10. nóvember 2017 kl. 8.30–12.00 í húsnæði Barnaheilla – Save the Children á Íslandi að Háaleitisbraut 13, 4. hæð. Skráning er hafin.

Hér er skráningarblað, sem fylla þarf út og senda á barnaheill@barnaheill.is