Vinatta Logo  Tilkynna Logo

Út að borða fyrir börnin

Út að borða 2014 jpg 952x482

Út að borða fyrir börnin

Laugardaginn 15. febrúar hefst fjáröflunarátakið Út að borða fyrir börnin í fjórða sinn og stendur yfir til 15. mars. Barnaheill – Save the Children á Íslandi standa að átakinu í samvinnu við 22 veitingastaði sem gefa andvirði eða hluta andvirðis af völdum réttum. Allir hagnast á því að taka þátt. Fólk er hvatt til að fara út að borða fyrir börnin, veitingastaðir fá fleiri gesti, börnin fá að gera eitthvað skemmtilegt með fullorðna fólkinu og Barnaheill fjármagna verkefni sín til verndar börnum gegn ofbeldi.

 

Átakið nýtur vaxandi vinsælda, en á síðasta ári tóku 16 veitingastaðir þátt en eru nú 22, þar af nokkrar keðjur sem starfa víða um land.

 

„Við erum afskaplega ánægð með þessa frábæru veitingastaði sem styðja mannréttindi barna með þessum hætti. Við hvetjum alla til að nýta tækifærið og gera börnunum, og sjálfum sér, glaðan dag um leið og stutt er við vernd barna gegn ofbeldi,“ segir Erna Reynisdóttir, framkvæmdastjóri Barnaheilla – Save the Children á Íslandi. „Með því að hvetja fjölskyldur til samveru með þessum hætti hvetjum við til aukinna lífsgæða. Rannsóknir sýna að reglulegar samverustundir hafa jákvæð áhrif og draga úr líkum á áhættuhegðun barna.“

 

Hér má sjá þá staði sem taka þátt og með hvaða hætti :

 

Heimasíða staðir

 

Sjávargrillið býður 100% af barnamatseðli sínum.

 

Dominos býður 35% af öllum pizzum á matseðli (gildir ekki á tilboðum).

 

Þeir staðir sem bjóða 50% af barnamatseðli eru:

Nauthóll

Scandinavian

 

Íslenska Kaffistofan býður 25% af Mjógúrt.

 

Þeir staðir sem bjóða upp á 25% af barnamatseðli eru:

Bryggjan - Akureyri

Culiacan

Grill 66

Hamborgarafabrikkan

Italiano

KFC

Kringlukráin

Lauga-ás

Nings

Pizza Hut

Rossopomodoro

Skrúður

Steikhúsið

Strikið - Akureyri

Subway

Taco Bell

Tapashúsið

 

 

Samkvæmt barnasáttmála Sameinuðu þjóðanna eiga öll börn rétt á vernd gegn hvers kyns ofbeldi; líkamlegu, andlegu eða kynferðislegu - og þau eiga rétt á vernd gegn einelti og vanrækslu.

 

Helstu verkefni Barnaheilla gegn ofbeldi eru:

  • Vitundarvakning - Fræðsla - Ráðgjöf
  • Vernd barna gegn kynferðisofbeldi á netinu
  • Rekstur ábendingarhnapps um óviðeigandi eða ólöglegt efni á netinu í samstarfi við ríkislögreglustjóra
  • Fræðsluvefurinn barnasattmali.is
  • Upplýsingavefurinn verndumborn.is um ýmsar birtingarmyndir ofbeldis
  • Barnaheill þrýsta á stjórnvöld og þingheim um að gæta þess að lög tryggi börnum vernd gegn ofbeldi

Hér má sjá auglýsingu um þá veitingastaði sem taka þátt í átakinu og réttina sem staðirnir veita afslátt af.

Með því að fara Út að borða fyrir börnin leggur þú þitt af mörkum til verkefna Barnaheilla – Save the Children á Íslandi sem stuðla að vernd barna gegn ofbeldi.