Námskeið

VináttunámskeiðSkólar sem vilja taka þátt í Vináttu og fá námsefni til notkunar þurfa að senda kennara á grunnnámskeið þar sem fjallað er um hugmyndafræðina að baki efninu, innleiðingu í skólastarf og hagnýt atriði varðandi notkun þess. Þátttakendur fá jafnframt þjálfun í notkun efnisins.
Gert er ráð fyrir að í það minnsta tveir starfsmenn skóla sæki námskeið í upphafi. Þeir kynna verkefnið síðan fyrir öðru starfsfólki. Skólum er frjálst að senda fleiri starfsmenn á námskeið eftir því sem þeir telja sig þurfa.
Námskeiðin eru haldin reglulega og eru frá kl. 9 til 16. Þau fara fram í húsnæði Barnaheilla að Háleitisbraut 13, 4. hæð.
Verð á námskeiði er kr. 15.000 fyrir hvern starfsmann og er fæði innifalið í námskeiðsgjaldi.

Eftirtalin námskeið eru í boði:

  • Grunnnámskeið – efni fyrir þriggja til sex ára börn – græn taska
    Gert er ráð fyrir að leikskólar sem eru með börn eldri en þriggja ára taki fyrst inn efni sem ætlað er þeim aldurshópi áður en tekið er inn efni fyrir börn yngri en þriggja ára.

Næsta námskeið verður þriðjudaginn 19. febrúar.      Skráning

   _______________________________________________________________________________

  • Grunnnámskeið – efni fyrir börn yngri en þriggja ára – gul taska
    Þetta efni er einnig ætlað dagforeldrum. Þeir leikskólar sem eru einungis með börn yngri en þriggja ára þurfa að sjálfsögðu ekki að taka inn efni sem ætlað er eldri börnum.

    Fullbókað er á námskeið 17. janúar, 22. janúar, 23. janúar, 30. janúar og 5. og 7. febrúar.

Næsta námskeið verður 12. febrúar nk.     Skráning _______________________________________________________________________________

  • Grunnnámskeið fyrir grunnskóla
    Námsefni fyrir grunnskóla er í tilraunakennslu í nokkrum grunnskólum. Grunnskólakennarar tilraunaskólanna sem vilja sækja námskeið geta skráð sig á grunnnámskeið – efni fyrir þriggja til sex ára börn. Á því námskeiði er einnig unnið með grunnskólaefnið.

Næsta námskeið verður þriðjudaginn 19. febrúar.      Skráning 

_______________________________________________________________________________

Einnig er hægt að panta námskeið og kynningar í skóla: 

  • Heils dags námskeið, fyrir nýja skóla og þá sem þegar eru Vináttuskólar
  • Tveggja tíma kynningu fyrir starfsfólk skóla sem þegar eru Vináttuskólar
  • Foreldrakynningu fyrir Vináttuskóla

Sendið fyrirspurnir á vinatta@barnaheill.is.
      ______________________________________________________________________________

  • Tónlistarnámskeið fyrir starfsfólk Vináttuskóla

Gott er að eiga vin, tónlistardiskur og  -hefti er hluti af Vináttu. Höfundur tónlistar og texta er Anders Bøgelund. Barnaheill – Save the Children á Íslandi bjóða upp á sérstakt námskeið sem miðar að því að veita leikskólakennurum og leiðbeinendum innblástur og góðar hugmyndir um hvernig nota má tónlistarefnið í starfinu í leikskólanum með hugmyndafræði og gildi Vináttu að leiðarljósi. Unnið er á virkan hátt með efnið og fá þátttakendur að prófa allt efnið og kynnast því mjög vel.

Kennari á námskeiðinu er Birte Harksen. Hún er leik- og grunnskólakennari og hefur um árabil unnið með tónlist og dans á Heilsuleikskólanum Urðarhóli. Birte heldur einnig úti vefsíðunni bornogtonlist.net, sem er þekktur hugmyndabanki fyrir tónlistarstarf í leikskólum. 

Birte hefur sótt námskeið hjá Anders Bøgelund í Danmörku og notað efnið í leikskólum í Kópavogi. „Þetta efni er einstaklega vel unnið og skemmtilegt að nota með leikskólabörnum,“ segir Birte um tónlistarefnið Gott er að eiga vin . Námskeiðin standa yfir í 3 klst., frá kl 8:30–11:30 og fara fram í húsnæði Barnaheilla að Háaleitisbraut 13, 4. hæð.

Verð á námskeiði er kr. 10.000 fyrir hvern starfsmann og er kaffi og hressing innifalin í námskeiðsgjaldi.

Einnig er hægt að panta tónlistarnámskeið í skóla, ýmist í 2 eða 3 klst. og má senda fyrirspurnir á netfangið vinatta@barnaheill.is.

Næsta tónlistarnámskeið verður auglýst síðar.