Bækur fyrir börn

Um 258 milljón barna á skólaaldri voru utan skóla í byrjun þessa árs en hefur þessi tala margfaldast eftir að kórónaveirufaraldurinn fór að herja á lönd. Um 90% barna í heiminum hafa misst úr námi vegna faraldursins og mun hátt hlutfall þeirra ekki snúa aftur í skólann. 

Það er mikilvægt að börn haldi áfram að lesa og læra þrátt fyrir að mæta ekki í skóla og fá viðeigandi kennslu. Þessi frábæra gjöf gerir börnum kleift að fá lestrarefni við þeirra hæfi í sitt samfélag. Barnaheill - Save the Children hafa komið á svokölluðu farandsbókasafni þar sem kameldýr bera um 200 bækur á milli afskekktra samfélaga og færa börnum nýtt lestararefni til þess að viðhalda lestrarkunnáttu sinni og þekkingu. Með þessum hætti eru börn hvött til þess að halda áfram að lesa og fræðast. 

 Barnaheill - Save the Children starfa í fleiri en 120 löndum út um allan heim og munu nú sjá til þess að gjöfin berist til þeirra sem þurfa á henni að halda.