Jólakort - Jólakötturinn Hrafna Flóki. 5 saman í pakka

Verðm/vsk
2.900 kr.
Nafn Jólakort 2016
Verð
Verðm/vsk
2.900 kr.
Birgðir 49
Afhendingarmáti
Sækja í Fákafen 9

Nafn Sent
Verð
Verðm/vsk
2.900 kr.
Birgðir 39
Afhendingarmáti
Fá sent - Kaupandi greiðir sendingakostnað við afhendingu

Verðm/vsk
2.900 kr.

Jólakötturinn Hrafna-Flóki er fyrirmynd Kristínar Rögnu Gunnarsdóttur, teiknara og rithöfundar, á jólakorti Barnaheilla í ár.
Sagan af kettinum Hrafna-Flóka er skemmtileg. Snæfríður, dóttir Kristínar Rögnu, eignaðist hann þegar hún var fimm ára gömul. Hrafna-Flóki var hinn mesti ljúflingur og hrifnæmur, sem lýsti sér meðal annars í því að hann varð strax ástfanginn af hamstrinum Rósu. Allt gekk eins og í sögu á heimilinu, en á jóladag átti hann það hins vegar til að vera með eitthvað vesen. Eitt sinn skreið hann undir bíl fjölskyldunnar þegar þau voru á leið í jólaboð og kom ekki undan honum fyrr en eftir klukkutíma þegar hann þurfti að pissa. Gylliboð um humarsúpu og hvatning fjölskyldumeðlima hafði ekki dugað til. Annað sinn klifraði Hrafna-Flóki upp á verkpall við næsta hús en þorði svo ekki niður. Þá þurfti að fara inn hjá nágrönnunum og klifra út um glugga til að ná í hann. Í nóvember árið 2014 hvarf hann og var týndur í fimm vikur. Leit fjölskyldunnar bar ekki árangur en hún gaf ekki upp von. Á jóladag fengu þau svo óvænta hringingu. Svartur skógarköttur hafði fundist innilokaður í kjallarageymslu og Hrafna-Flóki kom heill heim fjölskyldunni til mikillar gleði. Hann var hins vegar heldur rýr eftir kjallaradvölina, en langbesta jólagjöfin sem hægt var að hugsa sér. Í dag er Hrafna-Flóki orðinn 12 ára gamall feitur inniköttur sem er kominn á jólakort með friðardúfu á kollinum. Geri aðrir jólakettir betur!

Jólakortin koma 5 saman í pakka. 

Sala jólakorta er afar mikilvæg fjáröflunarleið fyrir Barnaheill sem reiða sig alfarið á frjáls framlög einstaklinga, fyrirtækja og stofnana. Andvirði kortanna rennur til starfs Barnaheilla – Save the Children á Íslandi. Með því að kaupa jólakort samtakanna styður þú við bakið á öflugu starfi fyrir bættum mannréttindum barna.