Heillagjafir stuðla að bættri heilsu, öryggi og menntun barna sem búa við erfiðar aðstæður í þeim löndum sem Barnaheill - Save the Children starfa en samtökin starfa í yfir 120 löndum.
Með því að kaupa Heillagjöf bætir þú lífsgæði barna sem eiga um sárt að binda. Barnaheill sjá til þess að Heillagjöf berist til þeirra sem þurfa á henni að halda.
Víðsvegar um heim bjóða Barnaheill upp á verklegt nám fyrir ungmenni í skólum sem samtökin reka. Þar fá ungmenni tækifæri til að læra ýmsa list á borð við málmtækni, saumaiðju, smíði, ræktun matvæla og fleira sem gæti nýst þeim í framtíðinni. Með þessari gjöf kostar þú verklegt nám fyrir ungmenni í þrjá mánuði í skólum Barnaheilla - Save the Children.
Barnaheill - Save the Children starfa í fleiri en 120 löndum út um allan heim og munu nú sjá til þess að gjöfin berist til þeirra sem þurfa á henni að halda.
Vinkonurnar Maisie og Tina* eru einu stelpurnar í þorpinu sínu sem stunda málmtækni. Þær hófu námið fyrir níu mánuðum í skóla sem Barnaheill - Save the Children reka. ,,Þegar ég skráði mig í málmtækni var fjölskyldan mín mjög á móti því. Þau sögðu að þetta væri ekki konustarf og að ég væri að sóa tímanum mínum,” segir Tina. ,,Ég er stolt að geta komið hingað og stundað nám sem ég elska. Mér finnst þetta vera staður frelsis. Skólinn lætur draumana rætast," bætir hún við.
Maise vinkona Tinu segir málmtækni vera skemmtilegt nám. ,,Fjölskyldan mín er mjög stolt af mér vegna þess að ég er orðin fyrirmynd fyrir ungar stelpur í samfélaginu okkar. Vonandi munu fleiri stelpur hefja nám í málmtækni. Þetta er skemmtilegt og ekkert erfiðara fyrir konur en karla," segir Maisie
Þú getur valið að fá Heillakort prentað á þykkan pappír sent heim með umslagi fyrir 390 kr. aukalega.
Það fá allir sent veglegt gjafakort í tölvupósti þegar Heillagjöf er keypt. Hægt er að prenta út skjalið, sem er í A4 stærð.
|
|
||
|
|
