Fréttir

Jólakort Barnaheilla 2019 er komið út. Bergrún Íris Sævarsdóttir teiknaði kortið sem í ár er tileinkað börnum er búa við stríð. 

Fulltrúar Barnaheilla afhentu Guðlaugi Þór Þórðarsyni utanríkisráðherra áskorun um að stöðva stríð gegn börnum. Jafnframt var biðlað til hans að beita sér fyrir því á alþjóðavettvangi að stöðva stríð gegn börnum og sjá til þess að Ísland verði í fararbroddi í slíkri vinnu.

Yfir 13.000 manns – þar af 5200 börn leita nú skjóls í skólum, tómum rafmagnslausum byggingum og á víðavangi í Al Hasakeh, Tal Tamer og Al Raqqa í Sýrlandi. Í Al Hasakeh-borg þjóna 24 skólar tilgangi bráðabirgðaskýlis fyrir 4160 manns. Ekkert vatn er til staðar í borginni vegna skemmda á vatnsbirgðastöð sem gerir það að verkum að þúsundir manna treysta á að vatn sé keyrt inn í borgina.

Barnaheill – Save the Children vöruðu í dag við yfirvofandi hörmungum í NorðausturSýrlandi, þar sem fjölskyldur og börn hafa nú þegar lagt á flótta frá átökunum. Samtökin auka nú neyðaraðstoð sína á svæðinu sem hefur verið samfleytt í gangi frá árinu 2014.

100 ára afmælisátaki Barnaheilla – Save the Children var hleypt af stokkunum í Smáralind síðastliðna helgi, þar sem tæplega 600 manns „undirrituðu“ á táknrænan hátt yfirlýsingu um að Stöðva Stríð gegn Börnum. Forseti Íslands herra Guðni Th. Jóhannesson og frú Eliza Reid riðu á vaðið með sínu handafari.

Alþjóðasamtök Barnaheilla – Save the Children eru 100 ára á þessu ári. Í tilefni af því blása samtökin til alþjóðlegs afmælisátaks undir yfirskriftinni „Stöðvum stríð gegn börnum“ en aldrei hafa fleiri börn búið á stríðshrjáðum svæðum en síðustu 20 ár.

Í tilefni þrjátíu ára afmælis Barnasáttmálans, nú á árinu 2019, hafa Barnaheill, Unicef og umboðsmaður barna tekið höndum saman um að gera einstökum þáttum Barnasáttmálans skil með mánaðarlegum greinaskrifum. Við greinaskrifin er stuðst við almennar athugasemdir eða leiðbeiningar Barnaréttarnefndar Sameinuðu þjóðanna. Grein ágústmánaðar fjallar um skyldur aðildarríkja Barnasáttmálans til að gera ráðstafanir svo ákvæði sáttmálans megi verða virk og uppfyllt, m.ö.o. að innleiða sáttmálann. Um þetta er fjallað í 5. almennu athugasemdum nefndarinnar.

Stjórn Save the Children International tilkynnti í júlí síðastliðnum að Inger Ashing hefði verið ráðin framkvæmdastjóri samtakanna eftir að Helle Thorning-Schmidt lét af störfum í júní.

Í tilefni af 30 ára afmæli Barnasáttmálans á þessu ári fjalla Barnaheill, umboðsmaður barna og Unicef á Íslandi um ákveðnar greinar Barnasáttmálans mánaðarlega og útskýra nánar inntak þeirra til fræðslu og upplýsinga. Grein júnímánaðar fjallar um 6. greinina, þ.e. rétt barna til lífs og þroska.

Skrifstofa Barnaheilla verður lokuð vegna sumarleyfa frá 2. júlí til og með 5. ágúst. Skrifstofan opnar aftur þriðjudaginn 6. ágúst.