Fréttir Barnaheilla

Sjósundkappinn Sigurgeir Svanbergsson stefnir á Eyjasund í lok júlí þegar hann mun synda frá Vestmannaeyjum og yfir til Landeyjasanda. Sundið er til styrktar börnum sem búa á átakasvæðum. Undirbúningur er í fullum gangi en leiðin sem hann mun synda er rúmlega 12 kílómetrar.

Á fyrstu hundrað dögum stríðsins í Úkraínu hafa 1.888 skólar verið eyðilagðir eða skemmdir frá því að vopnaátök hófust 24. febrúar síðastliðinn. Úkraínska menntamálaráðuneytið segir stríðið nú þegar hafa haft gífurleg áhrif á menntun 7,5 milljón úkraínskra barna. Ein af lykilstoðum í framlagi Barnaheilla í Úkraínu er að gefa börnum tækifæri til að halda áfram námi með fjarkennslumöguleikum á vernduðum skólasvæðum.

Barnaheill – Save the Children á Íslandi hófu þróunarverkefni í Síerra Leóne haustið 2021 með stuðningi frá utanríkisráðuneytinu. Verkefni Barnaheilla ber heitið Say no to Violence og fer fram í 10 skólum í Pujehun héraði, fátækasta héraði landsins, en margir þeirra eru í afskekktum þorpum sem ekki er hægt að ná til nema á báti. Meginmarkmið verkefnisins er að stelpur og strákar á skólaaldri séu vernduð gegn ofbeldi í skólum. Barnaheill vinna náið með Barnaheillum – Save the Children í Síerra Leóne sem fara með framkvæmd verkefnisins.

Systurnar Emilíana Sif, 9 ára og Karen Sól, 11 ára, máluðu fallegar myndir með vatnslitum sem þær skönnuðu inn og fjöldaframleiddu á góðan pappír. Þær seldu verkin bæði sem myndir og sem merkimiða, nokkra í pakka.

Barnaheill – Save the Children á Íslandi vinna að gerð og útgáfu fræðsluefnis fyrir foreldra um jákvæðar uppeldisaðferðir. Samtökin telja mikilvægt að eiga samtal við foreldra um jákvæðar uppeldisaðferðir svo fræðsluefnið komi sem best á móts við þær þarfir og áskoranir sem foreldrar og börn eru að takast á við í nútímasamfélagi.

Barnaheill tók á móti hóp af 10. bekkingum í Árbæjarskóla í dag þar sem þau afhentu samtökunum 200.000 krónur til stuðnings börnum í Úkraínu.

Í Keníu, Sómalíu og Eþíópíu vofir yfir ein mesta hungursneyð síðari ára. Alþjóðasamtök Barnaheilla - Save the Children biðla til alþjóðasamfélagsins og stjórnvalda um að bregðast hratt við ákalli mannúðarsamtaka á svæðinu um aðstoð.

Hjólasalan fer fram daganna 12. – 13. maí við TOPPSTÖÐINA í Elliðarárdalnum. Allir eru velkomnir að koma og kaupa sér hjól, salan hefst í dag fimmtudag kl. 16-19. Hjólasöfnun Barnaheilla fór fram í ellefta sinn í ár og bárust fleiri hundruð umsókna um hjól. Hjólum var úthlutað í gegnum félagsþjónustu sveitarfélaga úti um allt land.

Aðalfundur Barnaheilla - Save the Children á Íslandi var haldinn 9. maí síðastliðinn á Nauthól. Á fundinum var farið yfir ársskýrslu og ársreikning 2021 og kosið í nýja stjórn.