Fréttir Barnaheilla

Nú stendur yfir alvarlegasta hungurkreppa 21. aldarinnar. 174 milljón manns í 58 löndum heims búa við matarskort, sem er 20 milljónum fleiri en árið í fyrra. 150 milljón manns eiga í hættu á að verða ýtt út í fátækt á þessu ári, þá helst vegna afleiðinga heimsfaraldurs, átaka og loftslagsbreytinga. 16,8 milljón börn standa frammi fyrir mikilli hungursneyð, þar af 5,7 milljón börn sem búa við alvarlega vannæringu og eru vart hugað líf.

Alþingi hefur nú til meðferðar frumvarp dómsmálaráðherra til breytinga á almennum hegningarlögum þar sem lagt er til að hámarksrefsing fyrir barnaníðsbrot verði hækkuð úr tveimur árum í sex ár. Er það vel og í samræmi við hámarksrefsingu fyrir slík brot í Danmörku, Svíþjóð og Finnlandi sem við berum okkur gjarnan saman við.

Nú þegar vetri er lokið og sumarið bankar á dyr og glugga breytist gjarnan starfsemi leik- og grunnskóla. Útivera, útinám og útileikir verða meira áberandi í starfi skólanna og hefðbundin verkefni vetrarins eru jafnvel sett á hilluna. Svo kemur sumarið og sumarfrí með frelsinu og enn meiri leik. Grunnskólabörn eiga langt sumarfrí fyrir höndum og hafa því gjarnan meiri tíma til að leika við félaga sína og vini. Í heimi barnanna þar sem fullorðnir eru ekki á hliðarlínunni getur reynt á getu þeirra til samskipta og lausna. Útilokun og einelti í hópi getur komið upp með þeirri vanlíðan og höfnunartilfinningu sem fylgir því. Samkvæmt Vináttu – Fri for Mobberi, forvarnaverkefni Barnaheilla – Save the Children á Íslandi gegn einelti, á einelti rætur sínar að rekja til óttans við útilokun. Einstaklingur reynir að tryggja stöðu sína í hópnum með því að ýta öðrum út á jaðarinn og út fyrir. Birtingarmyndin getur verið fólgin í setningum á borð við; „Þú mátt ekki vera með í leiknum“, „Mér finnst svona sem þú ert með ekki flott“, eða að ekki sé tekið tillit til skoðana og tillagna hjá félaganum. Því er mikilvægt að þeir fullorðnu sé meðvitaðir um samskipti barnanna og aðstoði þau við að vera góðir félagar og vinir. Mikilvægt er að hjálpa börnunum við að meta styrkleika félaganna og virða að hvert og eitt barn sé einstakt á sinn hátt. Jafnframt er mikilvægt að benda börnum á mikilvægi þess að hlusta á leikjatillögur annarra og komast að niðurstöðu með samtali. Þannig eflast þau og þroskast. Í leik er alltaf hægt að bæta við félaga og hlutverkum sem hver og einn velur sér. Öll börn eiga rétt á að tilheyra og vera metin að verðleikum. Með þá hugsun að leiðarljósi stuðlum við að vellíðan og þátttöku barnanna okkar í sumar.

Tugþúsundum manna hefur verið skipað að yfirgefa heimili sín í Goma héraði í lýðstjórnarlýðveldinu Kongó eftir að eldgos hófst skyndilega í Nyiragongofjalli nærri byggð þann 22. maí síðastliðinn. Í óreiðunni og jarðskjálftunum sem hafa fylgt eldgosinu hafa 939 börn orðið viðskila frá fjölskyldum sínum

Í tíu ár hafa tæplega 3000 íslensk börn og ungmenni notið góðs af hjólasöfnun Barnaheilla. Í fyrra vor var í fyrsta sinn í sögu hjólasöfnunarinnar ákveðið að senda afgangshjól til barna í Afríku sem þurfa að ganga langa leið í skóla á hverjum degi.

Útivera, útinám og útileikir verða meira áberandi í starfi skólanna og hefðbundin verkefni vetrarins eru jafnvel sett á hilluna. Þó sums staðar fari Blær bangsi í sumarfrí þá á Vinátta, hugmyndafræðin og gildin, alltaf við, bæði úti og inni, að vetri, sumri, vori og hausti. Góð samskipti eru gulls ígildi. Fjöldi verkefna Vináttu er jafnt hægt að vinna úti sem inni og sum þeirra eru einkum hugsuð utandyra. Þar má nefna verkefni og leiki í bókinni Vinátta í útivist- útinám og leikur.

Börn eru einstaklingar með sín eigin sjálfstæðu mannréttindi. Þau eru ekki réttminni en hinir fullorðnu, þvert á móti, þau njóta á ýmsan hátt ríkari réttinda en hinn almenni fullorðni einstaklingur því þau eru talin þurfa stuðning og vernd sem gengur lengra en fullorðnir almennt þurfa á að halda.

Nú fer að nálgast sá tími árs að fjölskyldur fara að huga að sumarfríi og grunnskólar að skólalokum þetta skólaárið. Skólalokin eru ávallt þáttaskil í lífi hvers barns og nýtt upphaf hefst svo í sumarlok með nýjum áskorunum og nýjum verkefnum.

Frétta - og vefmiðlar loga enn og aftur af mikilvægri og þarfri umræðu um kynferðisofbeldi og trúverðugleika þolenda við tilkynningar eða kærur sem lagðar eru fram í kjölfar ofbeldis. Sumir af þeim voru börn þegar þau urðu fyrir slíku ofbeldi. Það er ekki sársaukalaust að lesa þessar sögur en þær gefa von um að fólk sjái réttari mynd af þessari “ósamþykktu” umræðu í íslensku samfélagi eins og annars staðar í heiminum.

Alþjóðasamtök Barnaheilla – Save the Children kalla eftir tafarlausu vopnahléi, þar sem fjöldi barna hefur verið drepinn í átökum síðastliðna viku. Yfir þúsund manns á Gaza svæðinu, þar af 366 börn, hafa einnig særst. Yfir 500 húsnæði hafa verið gjöreyðilögð í átökunum undanfarna daga og yfir 30 skólar og fjöldi heilsugæsla hafa einnig verið skemmd.