Bók

Þetta er líkaminn minn 

bók

Einn liður í forvörnum og fræðslu Barnaheilla um vernd barna gegn kynferðislegu ofbeldi er útgáfa bókarinnar Þetta er líkaminn minn. Bókin er skrifuð til að aðstoða fullorðna og börn á leikskólaaldri við að ræða saman á opinn og óþvingaðan hátt um leiðir til að vernda börn gegn ofbeldi. Meginmarkmið bókarinnar er að gera börn meðvituð um yfirráð þeirra yfir líkama sínum og tilfinningum og að styrkja þau í að setja persónuleg mörk. Fjallað er um snertingu og hvernig hún getur verið bæði jákvæð og neikvæð.

Það er á ábyrgð hinna fullorðnu að vernda börn gegn ofbeldi. Foreldrum, forsjáraðilum og öllum
þeim sem vinna með börnum ber skylda til að vernda börn gegn ofbeldi í hvaða mynd sem er.

Stöðug aukning er á dreifingu og notkun bókarinnar og má ætla að tugir þúsunda barna hafi notið góðs af henni frá því hún var fyrst gefin út árið 1998.

Samtökin eru í samstarfi við heilsugæslustöðvar um dreifingu bókarinnar til foreldra. Hægt er að panta bókina á skrifstofu samtakanna í síma 553 5900 eða með því að senda póst á  barnaheill@barnaheill.is.