Hjólasöfnun

Hjóla­söfn­un Barna­heilla – Save the Children á Íslandi hófst í sjöunda sinn 23. mars 2018

Hjóla­söfn­un Barna­heilla – Save the Children á Íslandi hófst föstudaginn 23. mars sl. í Sorpu á Sæv­ar­höfða kl. 12:00. Friðrik Dór Jónsson tónlistarmaður af­henti fyrstu hjólin í söfn­un­ina með pompi og prakt og hvatti þannig aðra til að láta gott af sér leiða og koma hjól­um sem ekki eru í notkun til þeirra sem hafa not fyrir þau.

Söfn­un­in stend­ur yfir til 10. maí og hefjast út­hlut­an­ir um miðjan apríl.

Hjól­in verða gef­in börn­um og ung­ling­um sem ekki hafa tök á því að kaupa sér reiðhjól. Hægt verður að sækja um hjól hjá fé­lagsþjón­ustu sveit­ar­fé­lag­a.

Hjól­un­um verður safnað á end­ur­vinnslu­stöðvum Sorpu á Dal­vegi í Kópa­vogi, Breiðhellu í Hafnar­f­irði, Sæv­ar­höfða, Ánanaust­um og Jafn­ar­seli í Reykja­vík og Blíðubakka í Mos­fells­bæ. Sjálfboðaliðar munu gera hjól­in upp und­ir styrkri stjórn sér­fræðinga í reiðhjólaviðgerðum áður en þau verða af­hent. Verkefnið hefur mjög breiða samfélagslega skírskotun þar sem það eflir félagslega þátttöku barna og nú í ár er verkefnið samtvinnað hjólaverkefni Rauða krossins og Hjólafærni þar sem hælisleitendum gefst kostur á að gera upp sín eigin hjól og taka í leiðinni þátt í viðgerðum fyrir Hjólasöfnun Barnaheilla. Hátt í 1500 börn hafa notið góðs af hjóla­söfn­un Barna­heilla frá því henni var fyrst hrundið af stað árið 2012.

Þetta er í sjöunda sinn sem hjóla­söfn­un­in fer fram en hún er unn­in í sam­starfi við Æsk­una barna­hreyf­ingu IOGT, Sorpu, Rauða kross Íslands, Hjólafærni og ýmsa aðra velunnara. Fasteignafélagið Reitir lánar húsnæði undir verkstæði.

Hægt er að fylgj­ast með verk­efn­inu á Face­book síðu söfn­un­ar­inn­ar og einnig er hægt að skrá sig þar til þátt­töku í sjálf­boðaliðastarf fyr­ir hjólaviðgerðir.