Vinátta

VináttaVinátta er forvarnarverkefni Barnaheilla gegn einelti ætlað leikskólum og fyrstu bekkjum grunnskóla. Verkefnið felst í útgáfu námsefnis sem ætlað er börnum á leik- og grunnskólaaldri og foreldrum þeirra sem og námskeiðum fyrir kennara. Efnið er danskt að uppruna og heitir á frummálinu Fri for mobberi. Það er þýtt, staðfært og gefið út í samstarfi við Red barnet – Save the Children og Mary Fonden í Danmörku. Frá árinu 2014 hefur Vinátta staðið leikskólum á Íslandi til boða. Mikil ánægja er með verkefnið þar sem það er notað og hefur Vinátta breiðst hratt út hér á landi og var um mitt ár 2018 notað í um 47% íslenskra leikskóla. Rannsóknir í Danmörku hafa leitt í ljós mjög góðan árangur af notkun Vináttu og þau börn sem eru í skólum þar sem unnið er með efnið sýna meiri samhygð gagnvart hvert öðru.

Nú hafa Barnaheill einnig gefið út efni fyrir 1.–3. bekk grunnskóla og verður unnið með það í tilraunaskyni í 19 grunnskólum í sex sveitarfélögum veturinn 2017–2018. Í framhaldi af þeirri vinnu mun það efni standa öllum grunnskólum til boða. Gert er ráð fyrir að efni verði einnig í boði fyrir 0–3ja ára börn í leikskólum og hjá dagforeldrum í byrjun árs 2019.

Auk Íslands og Danmörku er námsefnið einnig í notkun í Eistlandi, Færeyjum og á Grænlandi. 

Þeir skólar sem vilja nota efnið þurfa að senda kennara á námskeið og fá þar með leyfi til að nota það. Námskeiðin eru haldin reglulega í húsakynnum Barnaheilla að Háaleitisbraut 13 í Reykjavík. Einnig er möguleiki á að halda námskeið í skólum sé eftir því óskað.

Guðni Th. JóhannessonGuðni Th. Jóhannesson, forseti Íslands, er verndari Vináttu.

 

Kynningarmyndband um Vináttu – mars 2018

Stutt kynningarmyndband um Vináttu

Vinátta gegn einelti – kynningarmyndband 2016 

    

 

 

Um vináttuUM EINELTINÁMSKEIÐVINÁTTUSKÓLARPANTA EFNI

Eftirtaldir aðilar hafa styrkt verkefnið:

Menntamálaráðuneytið
Þróunarsjóður námsgagna
Velferðarráðuneytið
Velferðarsjóður barna
Menntamálastofnun
Lýðheilsusjóður
Landsvirkjun
Rio Tinto Alcan
Barnakórar Jóhönnu Halldórsdóttir – Syngjum saman, stöndum saman
Frjáls framlög hafa einnig borist frá fjölmörgum einstaklingum og fyrirtækjum.

Barnaheill – Save the Children á Íslandi þakka stuðninginn.