23 börn létu lífið í árás á flóttamannabúðir

Að minnsta kosti 46 manns, þar af 23 börn, létu lífið í árás sem gerð var á flóttamannabúðir í Ituri-héraði í austurhluta Lýðstjórnarlýðveldisins Kongó á mánudagsmorgun.

,,Þessi árás er alvarleg áminning um að börn halda áfram að bera hitann og þungann af átökunum í norðausturhluta Lýðstjórnarlýðveldisins Kongó, þar sem hræðileg mannréttindabrot eru framin gegn þeim á hverjum degi. Börn eru tekin af lífi, þau verða fyrir kynferðisofbeldi, er rænt og neydd til þess að ganga til liðs við vígahópa,” sagði Cecilia.

Barnaheill – Save the Children á Íslandi hafa starfað í Lýðstjórnarlýðveldinu Kongó frá árinu 2012. Í suður-Kivu, austurhluta landsins, styðja Barnaheill við sex Barnvæn svæði þar sem börn geta leitað í öruggt umhverfi. Barnvæn svæði eru eitt af lykilverkefnum Barnaheilla sem stuðla meðal annars að því að vernda börn sem búa á átaka- og hamfarasvæðum fyrir því að verða fyrir líkamlegum skaða og sálrænum áföllum. Einnig er markmiðið að aðstoða börn við nám og þroska.

Barnaheill – Save the Children á Íslandi eru einnig með starfrækt þróunarverkefni í Goma í austurhluta Lýðstjórnarlýðveldisins Kongó sem snýr að því að styðja við og vernda börn sem búa á götunni. Mörg börn búa á götunni í Goma, þau hafa ekki í nein hús að venda og hafa orðið viðskila við foreldra sína af margvíslegum ástæðum, þar með talið vegna átaka.

Nabulungi, sex ára, býr í flóttamannabúðum í norðurhluta Lýðstjórnarlýðveldinu Kongó. 

Lestu nánar um árásina inn á heimasíðu alþjóðasamtaka Barnaheilla – Save the Children

Hér getur þú styrkt verkefni Barnaheilla í Lýðstjórnarlýðveldinu Kongó