Alþjóðlegur barnaklámshringur leystur upp í kjölfar ábendingar frá INHOPE samtökunum.

Lögreglan í Þýskalandi leysti í síðustu viku upp stóran alþjóðlegan barnaklámhring á Internetinu í kjölfar ábendingar frá INHOPE-aðila þar í landi. Um 26.500 manns í 166 löndum liggja undir grun um að hafa skipst á klámmyndum af börnum, þar með talið einstaklingar frá Bandaríkjunum, Ástralíu og Sviss. Sum börnin eru allt niður í fjögurra mánaða gömul.

Lögreglan í Þýskalandi leysti í síðustu viku upp stóran alþjóðlegan barnaklámhring á Internetinu í kjölfar ábendingar frá INHOPE-aðila þar í landi. Um 26.500 manns í 166 löndum liggja undir grun um að hafa skipst á klámmyndum af börnum, þar með talið einstaklingar frá Bandaríkjunum, Ástralíu og Sviss. Sum börnin eru allt niður í fjögurra mánaða gömul.

Um 1.500 lögreglumenn tóku þátt í aðgerðinni og lagði lögreglan hald á 745 tölvur, 35.500 geisladiska, 8.300 diskettur og 5.800 myndbönd. Rannsóknin hefur verið í gangi í ríflega eitt ár. Ábendingalínan í Þýskalandi er aðili að INHOPE-samtökunum, sem eru alþjóðleg samtök er berjast gegn barnaklámi á Internetinu. Barnaheill hafa verið aðili að samtökunum frá árinu 2001.