Barnaheill hljóta styrki frá velferðarráðuneyti og Reykjavíkurborg

Velferðarráðuneytið veitti Barnaheillum og fjölmörgum öðrum félagasamtökum styrki þann 23. febrúar við hátíðlega athöfn og er myndin tekin við það tækifæri. Ljósm. velferðarráðuneytið.

Þann 23. febrúar veitti velferðarráðuneytið Barnaheillum – Save the Children á Íslandi styrk til verkefna samtakanna á sviði velferðar- og félagsmála og 26. febrúar hlutu samtökin styrk frá velferðarráði Reykjavíkurborgar til verkefna á sviði velferðarmála.

Styrkur velferðarráðuneytisins var afhentur við hátíðlega athöfn í Hannesarholti. Við það tækifæri flutti Nanna Kristjánsdóttir, fulltrúi í ungmennaráði Barnaheilla, ávarp. Velferðarráð Reykjavíkurborgar bauð til móttöku í Ráðhúsi Reykjavíkur þar sem Elín Oddný Sigurðardóttir, formaður velferðarráðs  og  Ilmur Kristjánsdóttir, formaður styrkjanefndar, afhentu styrkinn. 

Erna Reynisdóttir framkvæmdastjóri Barnaheilla – Save the Children á Íslandi veitti stykjunum viðtöku. Samtökin eru gríðarlega þakklát fyrir þennan ómentanlega stuðning í því mikilvæga starfi að stuðla að velferð barna og gæta réttinda þeirra.

Nanna Kristjánsdóttir fulltrúi í ungmennaráði Barnaheilla 
flytur ávarp í Hannesarholti. Ljósm. Erna Reynisdóttir.