Barnaheill kalla eftir þátttöku foreldra!

Barnaheill – Save the Children á Íslandi vinna að gerð og útgáfu fræðsluefnis fyrir foreldra um jákvæðar uppeldisaðferðir. Samtökin telja mikilvægt að eiga samtal við foreldra um jákvæðar uppeldisaðferðir svo fræðsluefnið komi sem best á móts við þær þarfir og áskoranir sem foreldrar og börn eru að takast á við í nútímasamfélagi.

20 foreldrum er boðið til þátttöku þar sem ræddar eru aðferðir sem þeir nýta í foreldrahlutverkinu og öllum gefst kostur á að koma á framfæri þeim hugmyndum sem þeir hafa um hvað foreldrar þurfi fræðslu um til stuðnings í uppeldishlutverkinu. Vinnustofan fer fram á skrifstofu Barnaheilla, Fákafeni 9, 2. hæð, miðvikudaginn 15. júní kl. 16:00-19:00. Einnig verður boðið upp á netfund fyrir þá foreldra sem ekki komast á staðinn.