Börn í Sýrlandi skelfingu lostin við að sofa í tjöldum á meðan stormar geisa

Úrhellisrigning og flóð hafa undanfarið valdið miklum skaða í bæði flóttamannabúðum og þorpum víða í norðanverðu Sýrlandi þar sem jarðskjálftar skullu nýlega á og eru börn of óttaslegin til að sofa í tjöldum.

Flóðin hafa valdið miklum skaða fyrir fleiri en 4.000 fjölskyldur í norðanverðu Sýrlandi, sérstaklega í búðum settum upp fyrir fólk á vergangi. Að minnsta kosti 375 tjöld sem veittu fjölskyldum skjól hafa eyðilagst eða eru svo illa farin að ekki er lengur hægt að búa í þeim. Yfir 530 tjöld til viðbótar hafa skemmst. Flóðin hafa þar að auki lokað fyrir vegi og komið í veg fyrir að mannúðaraðstoð nái til fólks sem enn þarf á henni að halda vegna jarðskjálftanna í síðasta mánuði.

Samira er 38 ára þriggja barna móðir. Hún og börn hennar hafa búið í bráðabirgðabúðum síðan jarðskjálftarnir neyddu þau til þess að flýja búðirnar sem þau höfðu búið í undanfarin fjögur ár.

Sanaa, sem er sjö ára gömul, býr í öðrum búðum í norðanverðu Aleppo og segist hafa áhyggjur af yngri systkinum sínum. Hún sagði móður sinni: „Við skulum ekki sofa í nótt. Þú heldur á Majed (litli bróðir hennar) og ég skal halda á Söru (litla systir hennar) svo þau drukkni ekki í svefni.“ Fjölskyldan hefur búið í búðunum síðustu fjögur árin.

Barnaheill – Save the Children hafa veitt börnum í Sýrlandi aðstoð síðan frá árinu 2012. Úrræði Barnaheilla – Save the Children fela í sér neyðar- og lífsbjargandi aðstoð sem og snemmbúin bataúrræði sem stuðla að því að koma upp grunnþjónustu á ný með því markmiði að ná til hvers einasta barns í neyð.