Börn syngja til styrktar Barnaheillum

Sungið í Lindakirkju til styrktar Barnaheillum.

Börn úr þremur kórum, undir stjórn Jóhönnu Halldórsdóttur, sungu til styrktar Barnaheillum – Save the Children á Íslandi fyrir fullu húsi í Lindakirkju laugardaginn 7. apríl.

Þetta er í fjórða sinn sem tónleikarnir Syngjum saman, stöndum saman eru haldnir. Það voru börn úr kórum Hamraskóla og Lindaskóla ásamt kór Vogaskóla sem sungu. Svavar Knútur söng með börnunum og lék á gítar.

Samtökin þakka innilega fyrir þennan mikilsverða stuðning.