Endurbætur á íbúðum fyrir langveik börn

Barnaheill – Save the Children á Íslandi reka tvær íbúðir á höfuðborgarsvæðinu sem ætlaðar eru fjölskyldum veikra barna af landsbyggðinni sem þurfa að dvelja í Reykjavík vegna veikinda. Önnur íbúðin hefur nú verið töluvert endurnýjuð og til stendur að endurnýja hina á næstu mánuðum. Barnaspítali Hringsins hefur umsjón með notkun íbúðanna sem eru staðsettar á Rauðarárstíg og Skúlagötu.

Barnaheill – Save the Children á Íslandi reka tvær íbúðir á höfuðborgarsvæðinu sem ætlaðar eru fjölskyldum veikra barna af landsbyggðinni sem þurfa að dvelja í Reykjavík vegna veikinda. Önnur íbúðin hefur nú verið töluvert endurnýjuð og til stendur að endurnýja hina á næstu mánuðum.

Barnaspítali Hringsins hefur umsjón með notkun íbúðanna sem eru staðsettar á Rauðarárstíg og Skúlagötu.

Margrét Agnarsdóttir á veg og vanda að framkvæmd endurbótanna. Hún segir að tímabært hafi verið að gera íbúðina upp, húslagnir hafi verið orðnar lélegar og tími kominn til að hressa upp á svefnherbergi og endurnýja húsgögn. Þá hafi verið skipt um gólfefni í eldhúsi og hugað að ýmsum öryggisþáttum.

Íbúðirnar voru síðast gerðar upp árið 2007 með stuðningi ýmissa styrktaraðila. Þá var skipt út húsgögnum og öðrum búnaði í annarri íbúðinni. Einnig var hugað að öryggisatriðum, svo sem slökkvitækjum, og reykskynjurum auk þess sem eldvarnarteppum var komið fyrir.