Hjálpumst að við að vernda börn!

Öll getum við tekið þátt í að auka góð samskipti við börn

Barnaheill hvetja einstaklinga og félagasamtök til að taka þátt í að gera Ísland að betri stað fyrir börn og fjölskyldur þeirra. Það er hægt að gera með því að tryggja að foreldrar hafi þá þekkingu, hæfileika og bjargir sem þeir þurfa til að vernda börn sín. Í sameiningu getum við stuðlað að góðri félagslegri og tilfinningalegri líðan barna og komið í veg fyrir vanrækslu innan fjölskyldna og samfélagsins.
Barnaheill með forvarnarverkefninu Verndarar barna, gegn kynferðisofbeldi á börnum, vill með kynningarefni því tengdu vekja athygli á málaflokknum.

Síðustu tíu ár hefur landssöfnun farið fram til styrktar Verndarar Barna með sölu á ljósi sem jafnframt er lyklakippa. Söfnunin hefur alltaf staðið yfir mánaðarmótin apríl – maí ár hvert, en vegna Covid-19 fer landssöfnunin fram dagana 24. ágúst - 6. september í ár.

Ljósið kostar 2000 kr. og eru bæði einstaklingar, íþróttafélög og félagasamtök um allt land að styðja Barnaheill með því að selja ljósið. Ljósið verður hægt að kaupa hjá sölumönnum Verndara Barna vísvegar um landið í ágúst/september og á vefverslun okkar á sama tíma. 

 

 

Deildu þekkingu þinni um forvarnir í þínu nánasta umhverfi

Við hvetjum þig til að beina athygli fólks á því sem þú hefur lært. Deildu þekkingu þinni með ættingjum, vinum og öllu samfélaginu.

Treystu innsæi þínu. Þú gætir verið eini aðilinn sem getur gert eitthvað í málinu.