Barnaheill þakka fyrir stuðninginn

Guðrún Helga Jóhannsdóttir, aðstoðarframkvæmdastjóri Barnaheilla og Harpa Rut Hilmarsdóttir stjórnarformaður Barnaheilla heimsóttu Síerra Leóne á meðan söfnunin stóð yfir og skoðuðu aðstæður stúlkna í Pujehun héraði. Kynbundið ofbeldi, kynlífsþrælkun, mansal og kynferðisofbeldi er stórt samfélagslegt vandamál og sáu þær að þörfin er gríðarleg. Barnaheill munu vinna með samfélögunum í 10 þorpum við að bera kennsl á ofbeldi, fræða, setja upp ferla, skýra tilkynningaleiðir í barnaverndarmálum o.fl. Munu börnin sjálf, kennarar, foreldrar, héraðsyfirvöld og fleiri taka þátt í verkefninu.