Fréttir Barnaheilla

Þann 23. febrúar veitti velferðarráðuneytið Barnaheillum – Save the Children á Íslandi styrk til verkefna samtakanna á sviði velferðar- og félagsmála. Og 26. febrúar hlutu samtökin styrk frá velferðarráði Reykjavíkurborgar til verkefna á sviði velferðarmála.

Í nýrri skýrslu Barnaheilla – Save the Children, The War on Children, er lýst miklum áhyggjum af öryggi og velferð barna á stríðs- og átakasvæðum. Alls búa 357 milljónir barna á stríðshrjáðum svæðum.

Barnaheill – Save the Children á Íslandi halda aðalfund þriðjudaginn 10. apríl 2018.

Yfirskrift morgunverðarfundar Náum áttum-hópsins að þessu sinni er „Sjúk ást“. Fundurinn fer fram á Grand hótel miðvikudaginn 21. febrúar nk. kl.8:15–10.00.

Í dag, 15. febrúar, hefst fjáröflunarátak Barnaheilla – Save the Children á Íslandi. Fjölmargir veitingastaðir leggja samtökunum lið með því að láta hlutfall af verði valinna rétta renna til starfs samtakanna sem snýr að vernd barna gegn ofbeldi.

Barnaheill – Save the Children á Íslandi blása til námstefnu um forvarnaverkefnið Vináttu þar sem unnið er gegn einelti í leik- og grunnskólum. Námstefnan verður þriðjudaginn 13. mars frá 9–16. Dagskrá auglýst síðar.

Barnaheill, umboðsmaður barna, Fjölmiðlanefnd, Heimili og skóli, Unicef og SAFT gefa út viðmið vegna umfjölunar um börn á samfélagsmiðlum á alþjóðlega netöryggisdeginum 2018.

Í dag er alþjóðlegi netöryggisdagurinn. Frá árinu 2001 hafa Barnaheill – Save the Children á Íslandi starfrækt ábendingalínu fyrir ólöglegt og óviðeigandi efni á neti, í samstarfi við Ríkislögreglustjóra. Ábendingalínan er hluti af SAFT verkefninu, (Samfélag, fjölskylda og tækni) og nýtur styrks frá Evrópusambandinu og úr ríkissjóði.