Fréttir Barnaheilla

Ferðasaga tveggja vina um að láta æskudrauma rætast

Út er komin bókin, Vinir Ferguson og Vestfjarða. Á traktorum gegn einelti. Dagbók hringfara. Sögur af sögum, fólki og stöðum. Bókin er gefin út til stuðnings Vináttu, forvarnaverkefni Barnaheilla gegn einelti.

Nýir talsmenn barna á Alþingi

Þingmenn úr öllum stjórnmálaflokkum gerðust talsmenn barna á Alþingi í dag. Þeir undirrituðu yfirlýsingu þess efnis að þeir skuldbindi sig til að hafa Barnasáttmála Sameinuðu þjóðanna að leiðarljósi í störfum sínum á þinginu, leitist við að tileinka sér barnvæn sjónarmið og hafa hagsmuni barna að leiðarljósi.

Össur Geirsson, skólastjóri Skólahljómsveitar Kópavogs hlýtur viðurkenningu Barnaheilla 2022

Össur Geirsson, skólastjóri Skólahljómsveitar Kópavogs hlaut í dag Viðurkenningu Barnaheilla – Save the Children á Íslandi árið 2022. Össur hefur í störfum sínum veitt miklum fjölda barna og ungmenna innblástur og hvatningu. Hann hefur óbilandi trú á ungu fólki og hefur einstakt lag á að laða fram það besta í hverju og einu barni. Hann leggur áherslu á samvinnu á meðal nemenda í störfum sínum og kallar fram jákvæðan aga, metnað og samkennd.

Staf­rænn for­eldra­fundur um net­öryggi barna, þér er boðið

Næstum öll börn í grunn- og framhaldsskóla á Íslandi eiga eiginn snjallsíma og eru þátttakendur í hinum stafræna heimi. Sú staðreynd er að mestu mjög jákvæð því börn eiga rétt á þátttöku í samfélaginu, þau eiga rétt til að fá upplýsingar og þau njóta margra annarra réttinda samkvæmt Barnasáttmálanum sem aðgangur að internetinu auðveldar þeim að sækja.

Dagur mannréttinda barna

Dagur mannréttinda barna er þann 20. nóvember ár hvert. Barnaheill hafa frá upphafi séð um framkvæmd dagsins í samstarfi við stjórnarráðið en það var samþykkt á Alþingi árið 2016 að helga daginn fræðslu um mannréttindi barna.

Barnaheill standa að málþingi um lokaathugasemdir Barnaréttarnefndar Sameinuðu þjóðanna ásamt stjórnvöldum

Barnaheill standa að í samstarfi við mennta- og barnamálaráðuneytið og forsætisráðuneytið fyrir málþinginu „Barnvænt Ísland - lokaathugasemdir Barnaréttarnefndar SÞ til íslenskra stjórnvalda“ næstkomandi mánudag á Natura Hótel og hefst klukkan 12:30.

Barnaheill fordæma brottfluttning barns á flótta

Á föstudag bárust samtökunum hins vegar þær fregnir að í hópnum var drengur, sem nú er 18 ára að aldri, en hafði flúið til landsins í desember 2021, þá 17 ára að aldri og án fylgdar. Barnaheill fordæma að drengnum hafi verið vísað á brott og að hann hafi ekki strax við komuna til Íslands fengið viðeigandi þjónustu barnaverndar og stuðning við afgreiðslu umsóknar sinnar um alþjóðlega vernd hér á landi.

Áfram einelti

Nei, ofangreind fyrirsögn er ekki hvatning til þess að leggja áfram í einelti. Hins vegar vísar hún frekar til þess að enn erum við, árið 2022, að fá fregnir af alvarlegum afleiðingum eineltis. Með sífellt meiri þekkingu, umræðum og rannsóknum á þessum málaflokki, skimunarlistum og viðbragðsáætlunum, hefði nú bara verið fínt að búið væri að útrýma einelti úr mannlegum samskiptum. En þannig er það því miður ekki.

Málþing gegn einelti

Í ljósi þeirrar umræðu sem hefur verið í samfélaginu um einelti og afleiðingar þess töldu Barnaheill brýnt að efla umræðuna um einelti, safna hugmyndum og leita lausna um hvernig hægt sé að takast á við þennan alvarlega málaflokk með það að leiðarljósi að koma í veg fyrir að börn og ungmenni upplifi þá hræðilegu líðan sem einelti fylgir.

Tökum vel á móti fulltrúum Barnaheilla

Í nóvembermánuði stendur yfir átak vegna Heillavina Barnaheilla. Heillavinir eru mánaðarlegir styrktaraðilar en framlög einstaklinga skipta sköpun fyrir starf Barnaheilla og gerir samtökunum kleift að standa vaktina í þágu barna og gæta réttinda þeirra. Fulltrúar samtakanna á vegum Miðlunar kynna Heillavini fyrir almenningi og ganga bæði í hús og eru við helstu verslanir á höfuðborgarsvæðinu. Fulltrúarnir eru merktir Barnaheillum.