Fréttir

Setjum hagsmuni barna í nýjan stjórnarsáttmála

Barnaheill skora á nýja ríkisstjórn að sjá til þess að málefni barna og hagsmunir þeirra verði skrifuð inn í stjórnarsáttmála næstu ára. Fyrir kosningar sendu Barnaheill öllum stjórnmálaflokkum sem buðu fram til Alþingis spurningar sem varða börn og ungmenni.

Ungmenni geta haft mikil áhrif

Þekkir þú ungmenni sem vilja taka þátt í að vinna að mannréttindum barna? Nú þegar samfélagið hefur opnast að nýju eftir Covid-19 faraldurinn köllum við hjá Barnaheillum eftir ungu fólki til að hafa áhrif og leggja sitt af mörkum til að breyta heiminum.

Þekkir þú ungmenni sem vilja taka þátt í að vinna að mannréttindum barna?

Ungheill, ungmennaráð Barnaheilla, bjóða öllum ungmennum á aldrinum 13 - 18 ára að taka þátt í að vinna að mannréttindum barna. Aðalfundur Ungheilla verður haldinn fimmtudaginn 7. október og fer hann fram á skrifstofu Barnaheilla, Fákafeni 9, 2. hæð kl. 16:00 – 19:00.

Börn í dag upplifa mun alvarlegri loftslagsáhrif en fyrri kynslóðir

Alþjóðasamtök Barnaheilla – Save the Children stóðu fyrir rannsókn þar sem skoðuð voru áhrif loftslagsbreytinga á börn. Varpa niðurstöðurnar ljósi á að börn fædd í dag eru töluvert útsettari fyrir öfgakenndum loftslagsbreytingum í samanburði við fólk fætt árið 1960.

Áherslur stjórnmálaflokka í málefnum barna

Í aðdraganda kosninga er gott að þekkja stefnu stjórnmálaflokka í málefnum barna. Því brugðu Barnaheill á það ráð að senda flokkunum spurningalista og kölluðu eftir svörum sem enn eru að berast til samtakanna.

Barnaheill óska eftir tilnefningum til Viðurkenningar Barnaheilla

Barnaheill óska eftir tilnefningum til Viðurkenningar Barnaheilla 2021. Öllum er frjálst að senda inn tilnefningu. Tilnefningarnar fara fram í gegnum vefsíðu Barnaheilla hér, en hægt er að tilnefna einstaklinga, félagasamtök, stofnun eða aðra hópa.

Kynferðisofbeldi gegn börnum. Hvað er til ráða?

Barnaheill eiga aðild að samstarfshópnum Náum áttum. Fyrsti fundur vetrarins verður miðvikudaginn 15. september kl 8:30-10:00 í gegnum fjarfundarbúnað. Fjallað verður um kynferðisofbeldi gegn börnum, forvarnir og viðbrögð.

Sjóvá veitir Barnaheillum styrk

Sjóvá veitti Barnaheillum 800.000 króna styrk til Haustsöfnunar Barnaheilla, Lína okkar tíma, sem styður vernd stúlkna gegn ofbeldi í Síerra Leóne. Styrkurinn er veittur í tilefni af Sjóvá Kvennahlaupi ÍSÍ sem haldið verður 11. september. Barnaheill þakka Sjóvá kærlega fyrir stuðninginn.

Barnaheill þakka fyrir stuðninginn

Nú er haustsöfnun Barnaheilla lokið, þar sem Línu-armbönd voru seld frá 26. ágúst - 6. september.  Armböndin seldust mjög vel og þökkum við öllum kærlega fyrir stuðninginn. Allur ágóði af sölunni rennur til þróunarverkefnis Barnaheilla í Pujehun héraði í Síerra Leóne, þar sem lögð er áhersla á vernd stúlkna gegn ofbeldi. 

Haustsöfnun Barnaheilla er hafin til verndar stúlkum gegn ofbeldi

Najmo Fyasko, flóttakona frá Sómalíu keypti fyrsta armbandið í Haustsöfnun Barnaheilla við hátíðlega athöfn í húsnæði Barnaheilla í dag, fimmtudaginn 26. ágúst. Þannig sýndi hún verkefni Barnaheilla gegn ofbeldi á stúlkum í Síerra Leóne samstöðu. Najmo var sjálf neydd í hjónaband 11 ára að aldri með 32 ára gömlum manni en hún náði að flýja aðstæður tveimur árum síðar. Þrátt fyrir að vera einungis 23 ára gömul í dag hefur Najmo upplifað mikið ofbeldi á sinni stuttu ævi og í dag berst hún fyrir réttindum stúlkna og kvenna.