Fréttir Barnaheilla

Alþjóðlegi netöryggisdagurinn (e. Safer Internet Day) er í dag 9. febrúar. Hann er haldinn árlega víða um heim til að vekja athygli á öryggi barna á neti og til að hvetja til góðra samskipta á neti. Á Íslandi er hann skipulagður af SAFT.

Eftirfarandi fyrirsagnir hafa birst í fjölmiðlum á undanförnum vikum og mánuðum: „Barnaníð á netinu vaxandi vandamál í Covid“, „Börn með sjálfsvígshugsanir vegna nektarmynda“ og „Rannsakar peningagreiðslur netníðinga til barna“.

Velferðarsjóður Evrópusambandsins eða ESF+ hefur samþykkt að eyrnamerkja sérstaklega um 5% sjóðsins til að takast á við fátækt meðal barna í Evrópu. Fjármagninu verður sérstaklega beint til Rúmeníu, Litháen, Ítalíu og Spánar, en þar er fátækt meðal barna mikil.

Næsti kynningarfundur Náum áttum-hópsins verður miðvikudaginn 10. febrúar 2021 kl. 8:30 - 10:00 á ZOOM. Fundarefnið að þessu sinni ber yfirskriftina Notkun nikótíns í nútímasamfélagi. Fundurinn er opinn öllum sem hafa áhuga.

Barnaheill - Save the Children vara við því að líf þúsunda barna í Afríku sé í hættu vegna annarrar bylgju Covid-19. Samtökin óttast að mörg Afríkuríki verði neydd til þess að bíða í marga mánuði eftir bóluefni gegn Covid-19.

Misskipting heimsins er mikil. Alls þurfa 117 milljónir barna í heiminum á mannúðaraðstoð að halda til að lifa af árið 2021, en helmingur þessara barna býr í einungis átta löndum. Barnaheill - Save the Children kalla eftir tafarlausum alþjóðlegum viðbrögðum til að tryggja að heimsfaraldurinn hafi ekki varanleg áhrif á heila kynslóð um ókomin ár.

Börn eiga rétt á vernd í stríðsátökum milli ríkja samkvæmt alþjóðlegum mannúðarreglum. Beiting gereyðandi kjarnorkuvopna útilokar að hægt sé að fara að mannúðarreglum og veita fólki aðhlynningu ef þeim yrði beitt. Barnaheill eru meðal þeirra félaga sem skrifuðu undir áskorun til stjórnvalda um bann við notkun kjarnorkuvopna.

Barnaheill - Save the Children hófu mannúðaraðstoð í Suður-Kiwu í LýðstjórnarlýðveldinuKongó í nóvember síðastliðnum. Verkefnið miðar að því að vernda börn gegn ofbeldi, misnotkun, útskúfun og vanrækslu, auk þess að vernda börn fyrir því að vera neydd til að ganga til liðs við vígahópa og styðja við þau börn sem hafa þegar verið neydd til þess. Verkefnið miðar að því að ná þessu fram meðal annars með því að styðja við svokölluð Barnvæn svæði.

Mikil ringulreið hefur skapast í Norðvestur Sýrlandi vegna flóða. Um 20.000 börn hafa þurft að flýja heimili sín ásamt fjölskyldum sínum og einn drengur, sex ára, hefur látist í flóðunum.

Barnaheill - Save the Children á Íslandi áætla að með því að tryggja nægilegt fjármagn, að upphæð 50 milljarða bandaríkjadala, til fátækustu ríkja heims, sé hægt að koma í veg fyrir að 136 milljónir barna muni glata möguleika sínum til menntunar