Fréttir Barnaheilla

Næsti kynningarfundur Náum áttum-hópsins verður miðvikudaginn 10. mars 2021 kl. 8:30 - 10:00 á ZOOM. Fundarefnið að þessu sinni ber yfirskriftina Líðan og lífstíll barna. Fundurinn er opinn öllum sem hafa áhuga.

Nú er eitt ár liðið síðan að Covid-19 heimsfaraldurinn fór að hafa áhrif á líf barna út um allan heim. Heil kynslóð barna hefur orðið fyrir áhrifum heimsfaraldursins og hafa börn þurft að aðlaga líf sitt að nýjum takmörkunum sem hafa m.a. haft áhrif á skólagöngu þeirra, efnahag fjölskyldna þeirra, aðgengi að heilbrigðisþjónustu og mörg börn hafa misst tengsl við fjölskyldu og vini. Sálfræðilegar afleiðingar heimsfaraldursins hafa einnig tekið sinn toll af heilsu barna, en að alast upp í heimsfaraldri hefur valdið kvíða og þunglyndi hjá mörgum börnum.

Barnaheill – Save the Children á Íslandi standa að mannúðarverkefni í Suður-Kivu í Lýðstjórnarlýðveldinu Kongó. Verkefnið miðar að því að vernda börn þar í landi gegn ofbeldi, misnotkun, útskúfun og vanrækslu á svokölluðumbarnvænum svæðum samtakanna. Barnaheill leggja áherslu á að verkefnið byggi á sérþekkingu Barnaheilla, með skýrri skírskotun í innlend verkefni samtakanna. Það er gert með innleiðingu á BellaNet aðferðafræðinni sem þjálfar einstaklinga sem vinna með ungu fólki með áherslu á forvarnir.

Börn eiga rétt á menntun þar sem þau geta þroskast á eigin forsendum og ræktað hæfileika sína. Börn eiga einnig rétt á hvíld, tómstundum, leikjum og skemmtunum sem hæfa aldri þeirra og þroska. Um þessi réttindi er kveðið á um í barnasáttmála Sameinuðu þjóðanna sem hefur verið lögfestur á Íslandi.

Yfir tíu þúsund börn og ungmenni tóku þátt í að móta barnaréttaráætlun Evrópusambandsins.

Nýverið barst tilkynning frá ábendingalínu í Þýskalandi til Ábendingalínu Barnaheilla sem varðaði vefsíðu þar sem börn á aldrinum 9-13 ára voru birt á kynferðislegan hátt á uppstilltum myndum (e. child-modelling). Um var að ræða um 140 myndir, sem sýndu börnin klæðalítil þar sem þeim var stillt upp kynferðislega og á klámfenginn hátt.

Barnaheill – Save the Children á Íslandi hafa nýverið gefið út bókina Vinátta í leikskólanum. Bókin er hluti af Vináttu – forvarnaverkefni Barnheilla gegn einelti fyrir leik- grunnskóla og frístundaheimili, efni um félagsfærni og samskipti. Vinátta í leikskólanum er helst ætluð börnum frá 3- 6 ára.

Börn á átakasvæðum eiga í tífallt meiri hættu núna, en árið 1990, að verða fyrir kynferðisofbeldi á átakasvæðum. Fjöldi staðfestra tilfella kynferðisofbeldis gegn börnum á átakasvæðum er aðeins toppurinn á ísjakanum.

Covid-19 faraldurinn hefur breytt lífi barna um allan heim. Heil kynslóð barna verður fyrir áhrifum heimsfaraldurs sem mun hafa ævilangar afleiðingar á líf þeirra. Aðstæður barna eru þó ólíkar eftir því hvar þau búa á heimskringlunni og hefur Covid-19 haft gífurleg áhrif á börn í þróunarlöndum. Heimsfaraldurinn hefur aukið kerfisbundið misrétti, þar sem þeir fátækustu gjalda hæsta verðið.

Út að borða fyrir börnin, fjáröflunarátak Barnaheilla og veitingastaða hefst í ellefta sinn í dag.