Fréttir Barnaheilla

Í dag, 16. maí, tóku börn um allan heim þátt í ákalli Barnaheilla – Save the Children um að stöðva stríð gegn börnum. En 420 milljónir barna í heiminum búa á svæðum þar sem átök geisa. Dagurinn markar upphaf átaksins STÖÐVUM STRÍÐ GEGN BÖRNUM (STOP THE WAR ON CHILDREN) sem er í tilefni af 100 ára afmæli Barnaheilla – Save the Children.

Aðalfundur Barnaheilla – Save the Children á Íslandi var haldinn þann 13. maí sl. Auk venjulegra aðalfundarstarfa var kosið um tillögu stjórnar þess efnis að samtökin Verndarar barna – Blátt áfram sameinist Barnaheillum og að þau verkefni sem samtökin hafa sinnt verði framvegis unnin undir hatti Barnaheilla. Tillagan var samþykkt samhljóða. Ný stjórn var kosin einróma á aðalfundinum.

Næsti morgunverðarfundur Náum áttum-hópsins verður miðvikudaginn 15. maí kl. 8:15–10:00 á Grand hótel. Fjallað verður um hlutverk foreldra í forvörnum.

Kórar Lindaskóla, Ingunnarskóla og Vogaskóla sungu saman til styrktar Barnaheillum í Guðríðarkirkju í dag.

Fellibylurinn Kenneth gekk á land í Mósambík fyrir viku síðan, aðeins um mánuði eftir að fellibylurinn Idai reið þar yfir. Fréttir berast af mikilli neyð á svæðinu og hafa Barnaheill – Save the Children fært viðbúnaðarstig á hæsta þrep.

Barnaheill – Save the Children á Íslandi halda aðalfund mánudaginn 13. maí 2019, kl. 17:00 á skrifstofu samtakanna að Háaleitisbraut 13.

Í tilefni af 30 ára afmæli Barnasáttmálans á þessu ári fjalla Barnaheill, umboðsmaður barna og Unicef á Íslandi um ákveðnar greinar Barnasáttmálans mánaðarlega og útskýra nánar inntak þeirra til fræðslu og upplýsinga. Grein aprílmánaðar fjallar um 31. greinina, þ.e. rétt barna til hvíldar, tómstunda og menningar.

Ríkisstjórnin hefur ákveðið að veita fimm milljónum króna af ráðstöfunarfé sínu til að standa straum af nýjum vef og öðru fræðsluefni um Barnasáttmálann.

Tækni og tölvur eru ríkur þáttur í daglegu lífi all flestra. Að frumkvæði umboðsmanns barna hafa verið gefin út viðmið um skjánotkun barna og ungmenna til stuðnings foreldrum við að stuðla að jákvæðri og uppbyggilegri umgengni við tækni, tölvur og snjalltæki.

Áætlað er að 6.013 börn fæðist í þessum mánuði eða 194 á dag á svæðum þar sem fellibylurinn Idai færði land á kaf í vatn og eyðilagði 100.000 heimili. Þessi börn eru í aukinni hættu á að smitast af kóleru og malaríu.