Fréttir Barnaheilla

Aðalfundur Barnaheilla - Save the Children á Íslandi fer fram mánudaginn 9. maí kl. 17:00 í fundarsal Nauthóls. Á dagskrá eru venjuleg aðalfundastörf . Félagsmenn eru hvattir til að mæta.

Þann 1. mars hófst Hjólasöfnun Barnaheilla og hefur fjöldi hjóla safnast á mótökustöðvar Sorpu á höfuðborgasvæðinu. Barnaheill taka á móti öllum hjólum sem gefin eru í Hjólasöfnunina og gert er við þau hjól sem þess þurfa og sum nýtt sem varahlutir.. Sjálfboðaliðar hafa gegnt mikilvægu hlutverki við hjólaviðgerðir undanfarin ár og með þeirra hjálp hefur tekist að úthluta hjólum til barna og ungmenna fyrir skólalok hvert vor.

Undanfarnar vikur hafa verið hörmulegar fyrir íbúa Úkraínu. Yfir 3,5 milljónir manna hafa lagst á flótta og leitað skjóls upp á líf og dauða. En eru um 40 milljónir manna eftir í Úkraínu, þar af 12 milljónir sem þurfa á brýnni og lífsnauðsynlegri mannúðaraðstoð að halda.

Nú er mánuður liðinn síðan að innrásin í Úkraínu hófst. Samkvæmt Flóttamannastofnun Sameinuðu þjóðanna hafa 10 milljónir manna flúið heimili sín í Úkraínu vegna stríðsins, þar af 4,3 milljónir barna en það er meira en helmingur allra barna í landinu.

Á undanförnum misserum hafa ýmsar starfsstéttir samið um styttingu vinnuvikunnar. Með styttingunni fær fólk meiri frítíma til að sinna sjálfu sér, sínum áhugamálum og í samveru með fjölskyldu og vinum. Ekki er þetta í fyrsta skipti sem vinnuvika launafólks er stytt. Þann 1. janúar árið 1972 tóku gildi lög um styttingu vinnuviku í 40 stundir úr 44 stundum. Flestir hættu þá að vinna á laugardögum og jafnframt var vinnuvika skólabarna stytt úr sex í fimm daga.

Átökin í Sýrlandi hafa nú staðið í 11 ár og eru lifandi martröð fyrir börn og fjölskyldur þeirra. Milljónir barna hafa aldrei þekkt annað en stríðsástand. Rannsóknir hafa sýnt fram á að átökin munu hafa langvarandi áhrif á börn, en þau þjást mörg af andlegri vanlíðan, streitu og kvíða og munu bera þess merki það sem eftir er ævinnar.

Þann 1. mars síðastliðinn hófst Hjólasöfnun Barnaheilla – Save the Children á Íslandi í ellefta sinn. Þótt veðrið hafi verið yfirfullt af gulum, appelsíngulum og jafnvel rauðum viðvörunum síðustu vikur þá lítum við svo á að söfnunin sé ákveðinn vorboði. Daginn er tekið að lengja og það styttist óðfluga í vorið með bjartari tímum og vonandi betri veðurtíð.

Barnaheill – Save the Children á Íslandi undirrituðu í gær rammasamning við utanríkisráðuneytið á sviði mannúðaraðstoðar og þróunarsamvinnu. Rammasamningurinn veitir Barnaheillum aukinn fyrirsjáanleika í starfi sínu sem auðveldar skipulagningu verkefna og eykur viðbragðsflýti neyðaraðstoðar.

Næsti kynningarfundur Náum áttum-hópsins verður miðvikudaginn 16. mars 2022 kl. 8:30 - 10:00 á ZOOM. Fundarefnið að þessu sinni ber yfirskriftina Skóli fyrir öll börn. Lausnir og tækifæri til farsældar. Fundurinn er opinn öllum sem hafa áhuga.

Ane Lemche, sálfræðingur og ráðgjafi hjá Barnaheillum – Save the Children, segir að börn um allan heim hafi ef til vill ekki skilning á því sem er að gerast í Úkraínu og að hjá þeim kunni að vakna spurningar um þær myndir, sögur og umfjöllun sem þau verða áskynja.